Zualko:SAC ralhrang nih an thah mi chin pa kong ah thil sining phuan dih a si cang.

Thawngpang

Chin ramkulh, Falam peng, PaMonChaung khuami U Joshua kum 27 ( fapa pathum ngei) cu August 12 ah ralhrang nih an tlaih i a lu ah meithal in an kah tiah kan theih.

Thil sining he pehtlai in khuami pakhat nih ” U Joshua hi a nupi he an i sik caah ChaungKhuah lei ah zuu a va ding. Mipi ralkap hna zong Commondo angki ai hruk mi an um tawn bang, SAC ralhrang hna cu mipi ralkap ah a rel sual hna i a va fuh hna lioah an tlaih mi a si. A pawng kam leikuang in mi pakhat nih a hmuh dih.

Ralhrang nih hri in tem an timh lio ah, duh lo in ai phetsawt caah voikhat an bengh, cu hnu ah ralhrang pakhat nih a hnu lei in a kah i, a kaa lei in kuan a chuak. Pu Joshua hi fapa pathum ngei mi si. A hniang cem cu thlathum lawng a si rih. Zan tlai tiang kahdohnak a um peng caah zinglei sml 10 hrawng lawng ah a ruak cu kan va lak i kan vui khawh. Pu Joshua an kah nak hmun cu ChaungKhuah khua lonh, Kalay-Gangaw lam PaMonChaung hlei lonh te ah a si” tiah a chim the thantlang times.

August 12 NatChaung kahdoh nak ah mipi ralkap pakhat hriampi ci peh nak in ai khawng. SAC lei in pathum an thi tiah Kalay-PDF nih an thanh.Tuchun August 13 chun hlan tiang kahdohnak a um rih lo tiah kan theih.

Thawngdang Tangka tlap le bank phihkhar ding kong cu a dik lo tiah central bank nih a thanh Tangka 5000 tlap le 10000 tlap hna cu thah a si lai tiah theih mi kong ah, thawng dik lo a si tiah central bank nih nihin ah cathanh a chuah.

Hi thawngpang kong he pehtlai in tangka tlap thah ding le bank pawl phih khar ding ti mi thawng pang ruang ah tangka chuah a duh mi tampi an um caah , cu thawng kong he pehtlai in a dik lo mi a si tiah central bank nih cathanh a chuah nak hi a si.

Central Bank dirhmun in, tangka kong ah thawng daiten a um khawh nak ding ah tha te in le ralrin ten riantuan a si,bank lei zong nih rikhiah mi ning ten fek tein le tha te in riantuan nak tuah a si ko ” tiah central bank nih an langhter.

Ralhrang nih nawlngeihnak an lak hnu thla 6 luan ah bank tangka chuah duh tik ah rikhiah piak a um i, July thla dongh lei ahcun cheukhat bank ah tangka chuah khawh nak hna cu chikhat phih chung nak a um, tuahkel tangka chuah mi ca zong ah rikhiah piak a um tiah bank ah kal tawn mi cheukhat nih an chim.

A hlan cozah chan ahcun zungkhar si zongah ,bank nih a kan tawlrel piak, atu ahcun rikhiah piak mi a tam ngai,tangka chuah zong a har, a tu ah bank zong khar a si lai tiah theih a si caah tangka a har chin cang lai tiah Burma Associated Press nih a langhter the chin post.

Leave a Reply