2020 thimnak ah mp a tling mi pawl mizoram na zaamnak hmun in rak kir cang law

Theihtlei

2020 thimnak ah mp atling mi pawl, mizoram na zaamnak hmun in rak kir law miphun nih tuanvo an lak khawh ko dawkaw A ngaingai ti ahcun, CDF kan ngei, Miphun hriamtlai kan ngei ko i an sin ah na dor deuh ding asi.

Kan nau le CDF caah thaithawh zaan riah chuanpiak, thazaang petu le thlacam piaktu, riahbuk hngaktu tal nan si ahcun aa dawhtuk mi MP nun pakhat asi hnga.

Upat hnu ah hriam nan tlaih lo cu kan theih thiam tuk ko, lungpang, thingpang, achukcho lak ah raltuk nan ti kho lo kan hngalh ko, asinain CDF thaithawh zaanriah chuan piak tal cu nan tha hnem ve awk asi.

Anmah tein thazaang an i pe, tirawl an i chuan, chinram caah chungmang an manh, zaanmang an manh, rundai tang nun nuamh kal tak in a bingbo lak hmun, ramlak ah an caan an hman, an lamh mi hmun poh kha an run innpi le thlanmual ah an cang.

Ziah Kaya Ramkulh Vuanci hna khi PDF pasal tha pei aa chuah khi.Meithal na tlaih lo, na puah ve lo kan in ti lo, na miphun CDF hi bochan hna, himnak caah hmang hna, an sin ah himnak hal hna.Mizoram i himnak kawl cu Mark pek awk um lo mi himnak asi lairam laipa.

Thawngdang Kawlram Dirhmun Cu A Tha Lo Ngai Tiin Vivian Balakrishnan Nih A Chim Kalram ramkhel buainak pin ah covid-19 zawtnak ruangah an dirhmun a tha lo ngai tiah Singapore foreign minister Vivian Balakrishnan nih a chim.

Atu tiang SAC ralhrang cawlcanghnak dinh an i tim rih lo, ramkhel kong he an tlaih mi hna zong an thlah rih hna lo. Buainak he a peltlaihmi hna kar ah chawnhbiaknak zong pakhat hmanh a um rih lo.

Chawlehnak zong a tumchuk lio pi a si, covid zawtnak phundang delta variant ruangah mipi harsatnak tampi an tawn lio a si tiah Balakrishnan nih reuter news agency ah nihin August 20 biahalnak ah a chim.

Kawlram buainak tawlrelnak dingin ASEAN palai Erywan Yusof cu Kawlram ah a kal khawhnak ding le buainak he a pehtlaihmi vialte hna he ton dingin a zuam cuahmah lio a si i, November thla ah tuah ding mi ASEAN summit hlan ah thanchonak pakhat tal a um lai ka zumh tiah Singapore ramdang vuanci nih a chim.

NUG kong he pehtlaih in Mr. Balakrishnan nih lam kan on peng ko. Khatalei ca awng ruat in kan tuahmi a si lo, mi vialte he pehtlaihbin kan tuah lai ti zong an theih ko.

Chawlehnak kharphih piak thawngin an i remh lai lo, mipi lawng an tuar-ing te lai.Ralhrangbu nihcun anmah te lawng um hi an duh deuhmi a si caah san a tlai tuk lai lo.

ASEAN in Kawlram chuah ding hi kan ruat bal lo. Ramdang kongah va thlak zong kan duh lo, nain ASEAN nih a si khawhnak lam kawl kan duhmi a si.

Singapore foreign minister nih mah biahalnak vialte hi US vice president Kamala Harris nih Vietnam le Singapore a tlawn lai ni 2 a duh ah a chim mi a si the chin post.

Leave a Reply