America um:Chin mi sin ah biahalh nak’Le bawmhalh nak.

Theihtlei

USA ELECTION KONG AH BIAHALNAK: USA ah a um i thil a theimi nih rak ka let kho ulaw kai lawm hnga. 1. November 3 ah USA election cu tuah asi i USA ah state 50 a ummi lakah state 44 cu vote result hi vote an peek dih tlawmpal bak ah ai fiang cawlh. State paruk asimi Arizona, Nevada, Pennsylvania, Georgia, Michigan le Wisconsin i vote an peekmi result vial zecadah a zarh in a rauh hlei?

2. Hi result ai fiang lomi state paruk ahhin vote hi mi tampi nih carek (postal office) in an peek caah, cu ca pawl cu an hngah pah caah an rauh deuhmi asi kho men. Zeicadah state dang vial ah carek in vote a thlakmi an um ve lo maw?

3. State dang vial ah zeicadah carek votemi cu an hngak ve hnga lo? 4. Zeicadah hi state paruk lawng ah carek in vote thlakmi hi a tam khun hnga? 5. State 44 i vote result vail va chuah colh i state 6 i vote vial a result zarh khat hnu i i fian cu ka khuaruah a har ngai. Hi state paruk le state dang voting system ah zeidah an i dan nak asi?

6. Trump nih Biden cu election ah hrokhrol ai tel bak lo timi na langhter khawh ahcun president cu kan kianh ko lai a ti. Trump tu nih teh hrokhrol ai tel nak a langhter kho ve lo maw? Biden nih langhter lo in amah nih langhter selaw hmual a ngei deuh hnga lo maw? Hrokhrol ai telmi langhter cu a fawi, a tel lomi langhter cu a har. Um zia a ngei lo ngaimi asi. Credit: Dr. Aung Myint Thang

Relchap ko thawngpang dang zong hi:USA i covid-19 sining, karh ning hi politics he pehtlaihnak tampi a ngei in ka hmuh. Politics maw a biapi deuh ah kan chiah lai covid-19 ikhamhnak dah? USA nihcun politics hi biapi deuh ah an chiah rua ti in ka hmuh. A ruang cu :

USA president thim kum i covid-19 a tlunmi hi USA minung hna caaah thil poi ngaingai a si. President i thim kum hi si hlah sehlaw hi tluk ngaingai hin virus zong hi a karh hnga lo i a thimi zong hi ti tluk ngaingai hin cun an tam hnga lo.

USA ahcun covid-19 hi karh sehlaw, ram hi buai sehlaw nawlngeitu pawl an min chia seh ti a duhmi tampi an rak um. Covid-19 in mi tampi an zawtmi le an thihmi kha hruaitu ai then nak ding a si poh ahcun a poi ah an chia lomi tampi an um ti khawh a si.

USA i nifatin covid-19 mizaw thar mi 50,000 hrawng an karh lio ah khan mask hmang huaha loin USA minak pa kong ah sautuk lekpek duhlonak an langhter tibantuk, political campaign a tuahnak ah a karhter tuk tibantuk kha a tam ngaingai. Misual minak pa thihnak kongah khan president i thim kum sihlah sehlaw, kha tluk sau kha duhlonak an langhter zuam hnga lo. Zawtnak zong kha kha tluk khan an karh ter hnga lo.

USA ah president thimnak cu November 3 ah tuah a si Joe Biden nih a tei timi thawng a thang, zarh khat a rauh bak ah covid-19 vaccine kan chuah khawh cang timi thawng an thanh ve. 90% cu a him ti a si. Zarh hnih a rauh hnu in a dang company nih 95% a himmi vaccine kan chuah khawh ve cang an ti ve fawn.

Trump nih election vote ah hrokhrawl a tam tuk caah ka pom kho lo a ti i biaceihtu zung ah vote zohfel dingin a chim than tikah a tu tiang president thar zuamnak ah ai teitu i theifiang kho loin a um rih. Cucaah covid-19 vaccine zong cu kan chuah khawh cang an tinak thla khat a si cang nain a ho hmanh vaccine an chun rih hna lo. Joe Biden nih president ttuan hram ai thawk in hi si hi chunh an timh bia maw a si hnga? Trump nih a hruai hna chung ahcun vaccine chunh i mi nunnak khamh hi an duh lo bia hna a si hnga maw?

USA ah nifatin minung 100,000 reng lo hi zawtnak hi a karh ko i, 1000 hrawng an thi peng. Asinain uktu thar kan ngeih lo ahcun a thimi poh cu thi ko hna seh ti hna sehlaw ka dawh ter ngai. Election ahhin Trump hi tling sehlaw vaccine hi an thuh peng ko hna hnga maw?

Vaccine an chuah khawhnak a sau cang, ziah an hman bal hnga lo? Ram dang i an kuat khawh rih lo zongah ziah USA mipi tal an ven hna hnga lo? Zeinih dah a donh hna hnga? Kum vui thengmang i vaccine hman hi zeicadah USA nih ai timh peng hnga.

Vaccine kong lawngah si loin covid-19 hi USA mi tampi nih uktu ithlennak caah fak tukin an hman tin kei cu ka hmuh. Cattialtu : Dr. Aung Myint Thang

Leave a Reply