Austrialia um lai mi dihlak sin ah a biapi taktak mi thawngthanh nak

Theihtlei

Australia cozah nih Australian citizenship sok tikah hlan nakin tawlrelning rengh deuhnak a hun tuah tikah community chungin harsatnak ton lengmang a si. A bik in Kawlram le Chinram in a rami hna nih IDs le documents halmi kongah harsatnak ton khun a si.Cu harsatnak dinhdorhpiak dingin community hruaitu hna nih lam tampi in cozah sinah chimrel le nawlnak tuah lengmang a si.

Chin miphun chungin Australian citizen a sokmi le sok kho ding dirhmun ah a um cang nain ID kongah laklawhnak a ngeimi hna cazin kha Department of Home Affairs nih hal kan si.

Community hruaitu hna nih community chungin min cazin khawmhsuat dingin tawlrel a si.Sok kho dirhmun a um cang nain a sok rih lomi laklawhnak a ngeimi hna nih pek herhmi cazin cu Min le email address Phone number le Australia phanh nithla Permanent visa pek nithla le sok nakding timhtuahnak ah harsatnak ngeihmi

A sok cang nain a hmu rih lomi hna nih pek herhmi cazin cu Min email address le phone number Sok nithla le application number ID hmaan le hmaan lo appointmentinterview ngeih kal nithla a tuah cangmi nih Immigration zunglei nih a hnu bik phone chawnh nithla chawnh ton ahcun Citizenship testnak ngeih tuah nithla a tuah cangmi nih Sokmi application hlawtpiak reject ahcun a ruang le harsatnak ngeihmi dangdang

Melbourne ah a tanglei community hruaitu hna sinah atu in rianrang tein min cazin pek ding a si lai Thong Za Tawng 0431 640 099 Khamh Cung Lian 0421 979 386 Olivia Nu 0425 563 896 Sang Hu Lian 0431 448 030 Lian Hnin Mang 0478 193 70 Hniang Ṭha Ceu 0431 428 131 Community rian ah Australia Chin Community Eastern Melbourne Inc.

Thawngdang Me Cazin Palhnak Kong Ramdang Palai Hna Hmaiah Kan Hrilhfiah Lai 2020 Kawlram thimnak ah me palhnak kong he pehtlaih in ramdang palai hna kan au lai hna i, an hmai ah kan chimfian lai tiah ralhrangbu hruaitu Bochokhmukyi Min Aung Hlaing nih August 7 Naypyitaw SAC zungah tuahmi SAC meeting a chim.Rampi thimnak cu president thim dingin aiawhtu thimnak a si i, president nih cozah a ser lai i, biaceih bawi hna a khinh ding a si.

Uknak, biaceihnak le upadi sernak vialte a tawlrel tu ding an si caah me dik lo in thim mi cozah cu dinnak zong a um lo.Me cazin dik lo mi kan hmuh mi cungah chimfianh dingin kan ti zongah an tuah hlei lo. Me a dik lo mi kong he pehtlaih in ramdang palai hna kan auh hna lai i, tette he kan chimfian lai tiah ralhrangbu hruaitu nih a chim.

Ralhrangbu nih kan hnu cozah lutlai hna hremnak kan pek mi hna hi ramkhel kong a si lo, phung an buar ruangah kan hremmi hna a si.Ralhrangbu nih me cazin diklo kan theih hnu December le January thla ah chawnhbiaknak he kan tawlrel nain an duh lo hnuah ram ralchanhnak zong an tuah rih tiah Bochokhmukyi Min Aung Hlaing nih a chim.

Thawngdang Rallokap mawtaw Shanni ralkap nih bomb hmanh in an puah hna Sagaing ramthen Hummalyin peng HeePhat khua ah August 8 ni ah rallokap mawtaw cu Shanni ralkap (SNA) nih bomb hmanh mi in an puah hna tiah theih a si.

SNA ralbawi Sai See Tun nihchun suimilam 1:30 pm ah a si.Rallokap mawtaw pakhat cu bomb in an puah, rallokap lei in minung 2 an thi i minung 5 an i hliam “tiah a chim.

Rallokap lei in Byuhahmuu nih a hruai hna i Nanhtaw pawng ah umhmun an khuar i August 8 ni chun ah rallokap mawtaw 3 in an rak rat lio ah bomb in an puah hna i rallokap pa cu hnu ah an kir than tiah a chim.

August 6 ni zong ah HeePhat khuatekomh Kuihpe khua pawngah SNA Shanni ralkap le rallokap an i kah hi a si i rallokap lei in minung 2 an thi tiah theih a si.Rallokap mawtaw pawl cu bomb in an puah hna nak kong he pehtlai in rallokap lei in thawngthanhnak an tuah rih lo.

Thawngdang,Tokyo Olympic zuamnak a dih cang,America nih laksong tambik an ngah August 8 ah lentecelh nak puai a dihmi Tokyo Olympic zuamnak ah America lentecelh phu nih Sui 39, Ngun 41, Dan 113 an ngah i ram kip ah a sang bik an si.Taluk ram nih Sui 38, ngun 32,Dan 18 a zapi in laksawng 88 an ngah i ram vialte ah pahnih nak an hmu.

Innthek Japan nih sui 27, ngun 14, Dan 17 an hmuh a zapi in laksawng 58 an hmuh i ram vialte lakah pathumnak an hmu.Britain nih sui 22, ngun t 21, Dan 22, a zapi fonh in 65 an hmuh pali nak an hmu.Ram thantar hmannak nawl a um lo i Olympic thantar tangah ROC min in aa zuam mi Russia Olympic phu nih sui 20, ngun 23, Dan 23 zapi fonh in 71 im panga nak laksawng an lak.

ASIAN ram chung ah Philippine nih sui 1, ngun 2, Dan 1 ,a zapi fonh 4 ramkip zatuak in 50 nak an si. Indonesia nih sui 1, ngun 1 ,Dan 3 a zapi in laksawng 5 an lak ramkip huap in 55 nak an si.Thailand nih Sui 1,Dan 1 an hmuh ramkip huap in 59, Malaysia nih Ngun 1, Dan 1 an hmuh ramkip huap in 74 nak an si.

2021 Tokyo Olympic zuamnak ah July 23 ni in August 8 tiang tuah a si i ram 200 hrawng nih lentecelh tu minung 11000 leng ah lentecelh phun 33 in zuamnak a um the chin post.

Leave a Reply