Breaking News:Hakha ah thawngpang chia taktak thei asi hoi lungthin a fak ko mu

Theihtlei

Nihin Hakha ah COVID-19 mizaw thar 27 hmuhJune 25, Hakha City Hall ah COVID-19 zawtnak minung 152 check mi chung ah minung 27 an zaw tiah kan theih.

Dawrhlun Sang in 1, Cawbuk Sang in 7, CCU in 2, Pyidawtha 1, Chin Oo Si 2 le Dawrthar Sang ah 14 tiin hmuh an si, tiah Hakha Christian Minister’s Fellowship (HCMF) Secretary Rev. Dr. Stephen Lian Hup Ling nih a facebook cahmai ah a tial. June 25 tiang Hakha khua ah COVID-19 in a zaw mi minung 45 hrawng an si cang, tiah kan theih the hakha times.

Thawngdang Ralhrangbu nih a nawlngeihnak fawi tein a thlah lai lo. Kawlram cu ralhrangbu nih caan saupi uk dingin Taluk nih a tuak tiah Washington DC ah hrambunhmi (The Stimson Center) biatak a kawltu phu nih an chim.

Taluk nih hi ralhrangbu nih nawlngeihnak a lak mi hi a hlawhtling ngai in a ruah. A ruang cu Taluk sipuazi le miak nak vialte Kawlram ah fek tein hrambunh a duh caah asi.Kawl le Taluk kar ah chawlehnak zong siseh, Dipalomatic lei zong siseh an i pehtlaihnak a tha tuk tiah Stimson Center i Taluk le Kawlram pehtlaihnak lei mithiam Yun Sun nih a chim.

Hi nih a langhter mi cu Taluk nih hin ralhrangbu nih caan sauuk nak a tlaih rih lai ti a hmuh caah a si. Ramdang khar phihnak ruangah kan sin ah za ah za i hngat seh ti hi an duh mi a si tiah a ti.UN le American nih ralhrangbu cu mipi thimmi sinah nawlngeihnak pek dingin an ti nain, Taluk nih ralhrangbu cu phungning tein a kai mi cozah pakhat ah cohlan dingin a bawmh peng rih ko the chin post.

Thawngdang relchap Thantlang Peng, Vanzang tlang ning in COVID-19 zawtnak runvennak kong an rengh, phung zul lo dantat timh A nawl thumnak COVID-19 zawtnak kong runvennak ca ah Thantlang Peng, Vanzang tlang khua dihlak khuachung luhchuak fak piin an rengh i, phung a zul lomi poh dantat ding an timhlamh tiah thawng kan theih.

Hi kong he pehtlai in khuami pakhat nih, “Myanmar ram chung ah COVID-19 zawtnak nih an kan phak hi atu in cun a voi thumnak a si kan ti lai cu. Tutan hi cu tih a nung ngai ti zong zapi theih a si. Cun, atu cu Cozah lei zong i bochan ngam a si lo ca ah kanmah le ti khawh tawk cio in kan khuatlang kan i runveng hna. Khua luhnak hauka in kan hngah dih cio,” tiah a chim.

Cozah lei bochan awk an that lo ca ah mah le pengtlang khua cio in a si khawh chung i runvennak an kawl cio. I runvennak ca ah a herh mi thilri zong mah le sining nih a phak khawh tawk in an cawk an zalh tiah kan theih.
Cun, “Atu khua luhnak in kan hngahnak hi zarh khat fai lawng a si rih. Khawika hmun le khua in a ra mi poh khuachung ah kan dinhter bak hna lo. Cun, khuachung ah aa din i upa nih kan hmuh a si cun dan kan tat hna lai,” tiah a cunglei khuami pakhat nih a chimchap.

Phung an chuah mi a zul lo poh minung pakhat ah Myanmar ram tangka in Ks. 50,000 dan an tat hna lai tiah kan theih.
Khualuhnak hauka hi a lut he a chuak he zing suimilaam 6:00 in zaanlei suimilaam 9:00 tiang khuami nih an hngah i a lutchuak mi poh biahalnak le cheknak an tuah dih hna chin morning star.

Leave a Reply