Breaking News:PDF nih ralhrang ceilak an thah hna thawngfiang an phuan cang.

Theihtlei

Palay Peng Ah Rallokap Mataw Bomb In Puah 20 An Thi Sagaing ramthen ah August 20 ni zaanlei suimilam 4:00pm hrawng ah rallokap motor pakhat cu Maing le Palay peng PDF fonh nih bomb puah hnawh in an kah hna tiah theih a si.

Kalay peng in a rak ra mi rallokap motor pakhat cu Palay peng Pa Dauh Kung lam pial le Nagamah tlang karlak i a um mi Wanbe khuate pawng ah bomb puah in kan doh hna tiah PDF chungtel pakhat nih a chim.

A voikhatnak cu rallokap motor pakhat cu Pinmawkuaih pawng ah a ke a nal i lamthlang ah a tlak deng caah a hnu i a ra mi motor pawl lam a kham dih hna i hmai rak kai kho ti lo in lam a kham hna thawng kan theih tik ah, Wanbe khuate pawng ah bomb tunh in kan kah hna hi a si. Motor pakhat cu a rawk dih. Kan mah lei a thi mi le hma pu mi ho hmanh kan um lo. Rallokap lei cu a tlawm bik 20 cu an thi lai”.

Bomb puah in an kah hna hnu ah a dang motor in a ra mi rallokap pawl nih an kah hna nak pawngkam cu hriamngan he hriam hme he an kah len tiah khua mi sin in kan theih.Palay peng chung ah a luancia ni zong ah khan rallokap motor pawl bomb puah le bomb tunh in kahdohnak a chuak tawn tiah an chim the chin post.

Thawngdang Vawleicung biaceihzung nganbik International Criminal Court (ICC) ah Myanmar aiawhtu si kho dingin NUG nih kan i zuam cuahmah lio a si tiah NUG in nuhrin covo lei vuanci U Aung Myo Min nih a chim. Vawleicung huap nuhrin covo kong ngiathlaitu bu a simi Fortify Rigth nih August 19 ah “Myanmar ram ah a cangmi sualnak hna hi ICC nih biaceih dantatnak a tuah khawh nakhnga NUG Cozah nih zeitindah hma a lak lai” timi tlangtar in biaruahnak a tuah i cu biaruahnak ah cun U Aung Myo Min nih a cunglei bantukin a chimmi a si.

NUG nih Rome Statue ah min a thut i Myanmar aiawh in ICC chungtel a si ahcun ralhrang nih an tuahmi sualnak le thatlonak vialte ICC nih biaceih dantatnak tuah khawhnak lam tampi a awng lai.

NUG in nuhrin covo lei vuanci U Aung Myo Min nih cun “Tuni ah a biapi tukmi thanh ding ka ngei. NUG cozah nih ICC i Rome Statue ah chungtel si kan duh tiin a luancia July 17 ah khan ICC ah ca kan tial cang. Cu ca chungah cun ICC zulhphung Article 12, section 3 nak bantukin 2002, July 1 thok in Myanmar ramchungah a cangmi thahnawnnak kongah tuanvongeitu hna kawlnak, hlathlainak, tazacuainak le dantatnak hna kha ICC nih a tuah khawh nakhnga timi saduhthah he NUG nih ICC nawlngeihnak cu kan cohlan tiah kan laughter. Kan catialmi ah atulio NUG President nih min a thut. NUG nih cun dinnak le tuanvo laknak a um khawhnak dingah ICC he tuanti dingin kan i ruahchan” tiah a chim.

Fortify Rigth a dirhtu Matthew Smith nih hitihin a chim ve. “Nihin i kan chuahmi cathanh dal khatnak ah khan NUG Cozah nih International Law ningin Myanmar ram aiawhtu a si kho maw timi kong kan tial. Kan cathanh ah cun aiawhtu a si kho tiah kan laughter. UN tang i nuhrin covo zulhphung UDHR Article 21 ah mipi hna duhnak kha cozah pakhat i nawlngeihnak ah a hrampi a si lai tiah a um. Myanmar mipi hna nih cun NUG hi mipi duhning in dirhmi cozah a si tiah an pom cang. Khatlei ah nawlngeihnak a lami ralhrangbu cu mipi dihlak nih an doh. Hiti an dohnak hi ralhrang rual nih ruru hranghrang in mipi an thah hna ruang lawngah a si lo. Thimnak i an sungh hnuah mipi hna nunnak thap in teirul cham an i timh ca zongah a si. Myanmar ralhrangbu nih mipi sersatnak in rampi nawlngeihnak tlaih an i tim, asinine rampi nawlngeihnak an tlaih khawh ruangah Myanmar ram aiawh in riantuan khawh a si hlei lo ti kha kan cathanh chungah tling tein kan tial”.

Tuanbia kan zoh tikah UN nih ralkap, a siloah ralhrang hna nih an uk/tlaihmi ram hna ah ralkap/ralhrangbu hna kha si loin mipi dirhmi cozah kha an ram aiawtu cozah ah a cohlanmi an um len. Tahcunnak ah Sierra Leone ram khi 1997 ah ralkap nih nawlngeihnak an lak hnu le Haiti ram ah 1991 ah ralkap nih nawlngeihnak an lak hnuah UN nih nawlngeihnak lak hlan mipi thimmi cozah kha an ram aiawtu cozah ah an cohlan hna. ASEAN chungtel a simi Cambodia zongah 1980 buainak ah khan ramdang a zammi cozah kha an ram aiawtu ah cohlan a si i nuhrin covo kong le ramkip hnatlaknak hna zongah an ram aiawh in min an thut ko, tiah Matthew Smith nih cun a chim.Thiamsang hna chimning le tuaktan ningin cun NUG hi ICC ah Myanmar aiawhtu cozah si khawhnak lam a um ko ti a lang the chin post.

Leave a Reply