Breaking News:Ralhrang nih kum tling lo hngakchia tamtuk an thah hna

Theihtlei

Ralkap Ralhrang nih Uknak an lak hnu Kumtling lo Ngakchia Minung 75 an thah hna i minung 1000 leng an tlaih cang hna.Myanmar ram Ralkap Ralhrang nih Uknak an lak hnu in Rammi Ngakchia kum tling minung 75 an thah hna pin ah minung 1000 leng an tlaih cang hna tiah Ngakchia kilveng tu phu nih an langhter.

Myanmar ram Ralkap Ralhrang nih mipi hramhram in an thah mi hna chung ah atu bantuk in kum tling ngakchia lawng si loin sualnak ngei bak lo an thah mi hna hi an si. Hi kong he pehtlai in Vawlei pi ah ngakchia kilvengtu hna sin tiang phan ding le ngakchia sining a buarnak kong hi Vawleipi nih cei ding ting in chuah pi an timh tuah theih a si chin morning star.

Thawngdang Yangon Ah Covid Zawtnak Ruangah Nikhat Ah Ruak 800 Tiang A Phan Yangon ah Covid third wave ruangah a thi mi minung an karh, nikhat chungah ruak 800 tiang a phan, cun oxygen a dih, ahar tuk tiah Yangon mibawm chantu in rianngei cheukhat hna nih an chim.

Atu a cang mi thil hi a thi tiah phone a kan chawn mi hi nikhat ah 100 leng an phan.Mi ruak phorh ding kan chei lo,thlanhmun zong ah nikhat chung zaan chung ruak an khangh ko naim an chei lo. A luancia mi nihnih ah khan a thi mi 600 leng an si, tu cu 800 tiang an phan.Cheukhat a thi mi hna cu peng pakhat chung in an si, sang khat chung ah ruak hnih ,ruak thum an si caah atu le atu miruak kan la” tiah Yangon ummi mibawm chantu phu rianngei pakhat nih a chim.

Miruak cu ai pong tung ko,Yewai ရေဝး zong ah ai pong tung, miruak pawl tu cu tang ah kan chiah ter hna lo.Mawtaw cungah kan chiahter ko hna.A changchang in kan auh hna, cun meikhanghnak seh chungah chiah an si. A herh bik cu miruak zualnak a um lo, cawk zong a ngah lo, plastic , puan, pher hna in zual in an chiah” tiah a dang mibawm chantu phu in rianngei pakhat nih a chim.Atu ah ramkulh chung ah oxygen lut mi a um ko nain , oxygen herh ruang ah le emergency in phone chawn mi hi nikhat ah 500 hrawng an si tiah oxygen lei in mibawmtu phu rianngei pakhat nih a chim.

“Emergency oxygen rawn kan duh, oxygen dur kan herh, Flow Meter khoika dah a ngah tiah a phunphun in phone an kan chawnh, cuchung ahcun oxygen herh ruangah chawntu hi an tam bik.Nizan hna cu oxygen herhtuk ruangah phone a kan chawnmi an tamtuk caah, phone dang pakhat kan damh.Kan sikhawh chung in kan bawmh ko hna sihmanhsehlaw kan chei hrim lo.Oygen lutmi a um ko nain mizaw an tamtuk nikhat hnu nikhat in an tam chin lengmang” tiah South Dagon agency mibawm chann tu in rianngei pakhat nih a chim.

Atu ah miruak phor mi mibawmtu hna le, mizaw pawl sizung ah a phor mi mibawmtu phu hna zong a dangdang mibawm chantu in Covid zawtnak an i chawnh caah, rian tuan kho lo in dinh mi zong a van um tiah theih a si.Tuning te in si ko ahcun hi hnu thlakhat cun kanmah mibawmtu phu hna zong an dih kho men cu dirhmun cu kan phan, nikhat hnu nikhat kan tuah mi a tam chin, kanmah mibawmtu pawngkam zong a tluril kho mi dirhmun kan si” tiah Yangon mibawm chantu phu rianngei pakhat nih a chim the chin post.

Leave a Reply