Chin Nu nih: A Covid-19 Postive Buin Nau A Kan Hrin Piak

Theihtlei

Tonzang Ah Postive Mizaw Pakhat Nih Dam Tein Nau A HrinChin ramkulh Tonzang sii-inn ah Covid Positive a si mi fapawi pakhat cu July 8 ah siibawi te nih hlai piak in tluang te’n fa a ngei kho tiah theih a si lawm pi cio ko hna u sih lawm a um hrinhran Pathian nih um pi ko hna seh thawngtha taktak a siko the chin post.

Thawngdang COVID zawtnak a zum lomi le Pathian a zummi caah ttih a nung lo tiphun in a kalpi mi, Pathian rianttuantu lakah an um pah. US thimnak tuah lio ahcun Chinmi lak zongah profet bantuk in Pathian sin in bia ka dong a timi zong an um len fawn. Asinan mithah zong zei ah a rel lomi, ralkap tthalo le ttihnung nih uknak an lak in cun Chin profet pawl an tlau dih. Pathian a zummi caah le a rianttuantu caah COVID zawtnak cu ttih a nung lo ahcun ziah atutan ah Pathian rianttuantu tahatha tamtuk an nunnak a liam kun ne hnga.

Chin profet pawl, Pathian sin in bia ka dong a ti lengmangtu pawl nih pastor le evangelist tampi covid in an nunnak a liammi kongah Pathian sin in bia an dongmi a um hnga maw? siloah zeitindah mah kong hi an hrilhfiahning a si lai timi theih ka duh ngai. Pathian nih teh zumtu hna thlacamnak a thei hnga lo maw? Ziah a rianttuantu thatha hna COVID in a khamh hna lo ti pawl hi van kan chim kho hna seh law a ttha tuk hnga. Evangelist, David Lah zong nih Bawi Jesuh a zummi caah COVID zawtnak cu ttih a nung lo a ti ruangah pumhnak a tuahpi hna i a phichuak cu Mizo putar a thi i minung 20 leng nih zawtnak an kai/an i chawnh. David Lah nih teh atu covid in pastor tampi an nunnak a liammi kongah chimmi a nei hnga lo maw? Theih ka duh ngai.

Atutan COVID zawtnak hi a voithumnak (third wave) a si i India ram in a rami a si tikhawh a si. Chinmi tamnak khua pawl zong nih a voikhatnak le a voihnihnak covid zawtnak kha cu kan tei khawh ti khawh a si. Asinan a voithumnak covid hi India ram in a rami a si tikah a voikhatnak le a voihnihnak COVID nak in a let 50 in a rianttuan ning a tthawng deuh ti si. Mah ruangah India ram zongah minung tamtuk an thihnak kha a si. Curuang ahcun Chin mi tamnak khua pawl ahhin biatak tein kan i ralring deuh a hau lai hi. Siibawi pawl CDM an lut dih fawn. Ralkap uknak a si ruangah ttha tein i thlop khawh a si fawn lai lo. A phunphun in covid kongah harnak kan tong deuh lai ramdang nak in. Mah ruangah mah tein cawlcangh cio a hau ko lai. A voithumnak COVID, a let 50 in a tthawng deuhmi nih Chinmi tamnak khua pawl a cul cang. Mah ruangah kan fel deuh le kan i ralring deuh a hau lai Catial Tu Saya Van Tum.

Thawngdang Ram 7 Nih Biatung An Chuahpimi Cu An Sungh Caah UNHRC Meeting Ah Myanmar Buainak An Ceih Than Lai, SAC Cu Sawm An Si Ve Lo A voi 47 nak Uniter Nations Human Rights Council (UNHRC) meeting pi ah ralhrangbu (SAC) cu kainak nawl an pek hna lo caah SAC dirkamhtu ram cheukhat nih Myanmar buainak kong ceih lo dingin biatung an chuahpi. Asinain ram tam deuh nih ceih dingin an lungtlin caah UNHRC meeting ah Myanmar buainak kong an ceih than lai tiah theih a si.

UN tangah a ummi bu WHO, WFP le ILO hna nih SAC thlahmi palai cu chungtel ah an cohlang lo. Atu UNHRC zong nih a cohlang lo. Tukum September thla ah UN chungtel cohlannak ceihkhangtu Credential Committee nih ahote hi dah chungtel ah kan cohlan hna lai ti an khiah te lai the chin post.

UNHRC ahhin chungtel ram 47 an um. Hi chungah ram 26 nih Myanmar buainak kong ceih an duh, ram 7 nih an duh lo, ram 14 cu karlak ah an um. Chungtel ram tam deuh nih an duh caah UN nih Myanmar nuhrin covo hlathlainak tuanvo a pekmi Mr. Tom Andrew le Ms. Micelle Bachelet nih an chuahpimi cathluan an rel lai i cu cungah i hngat in an ceih lai.
UNHRC ah Myanmar buainak kong ceih a duh lomi ram hna cu China, Russia le Cuba hna an i tel i ceih a duhmi ram 26 chungah ASEAN in Indonesia le Philipine an i tel.

Thawngdang Thawhtanni 28/6/21 ah Daw Suukyi, President U WinMyint le Nyphidaw Council Chairman Dr. Myo Aung hna cu Nyphidaw Special Court A-1, Zibuhthirih ah biaceihnak an nei than. Hi ka ah hin Daw Suukyi nih amah Sihni Daw Min Min Shoe sinah Mipi sinah biacahnak nei in “tulio Covid-19 zawtnak lakah Mipi i ralring dingin forhfialnak a nei pinah Poisa Ting-50 an pek mi lakin tlawmpal cu pek an si cang na’in, Daw Suukyi nih a fapa bantukin a zohkhenh tawnmi a Uite ” Tedcido(do do)” cu a Pi Court a kai poh ah rawl ei duh lo’in a nuar tawn ti’ah A-30 Gov’t Quarter Guard Pakhat nih a chim ti’ah theih asi. Uite “do do” ca’ah hin Suukyi nih Thlachiar Ting khat man rawl eiding a cawk piak tawn i Tuhlan Zung a kai nak zongah a hruai tawn ti’ah an rak chim lengmang cang.

MinAungHliang cu 9th International Security Meeting ah 22/6/21 in Ni-3 chung caam dingin Russia ram Moscow Khuapi ah a kal ko na’in, a timh bikmi cu UNO le Vawleicung doh i Russia sinin Ralthuam cawk dingin a va kal hnawhmi asi. 18/6/21 ah khan UNO Assembly Session ah khan Myanmar ah Ralthuam zawrh ti lo Si seh ti’in Vote-119 (Duh),1(Duh lo),36(Neutral) nih biachahnak an rak neih cang. Cu Vote pe ve duh lo Neutral ram lakah Russia, China le India an i tel ve. Hi kongah MinAungHliang cu a lung a fak tuk i Russia sinah Ralthuam cawk dingin a kal cawlhnak asi.

Russia Defence Minister nih a sawmmi asi pin ah tulio Myanmar buainak ruangah President Vladimir Putin nih Diplomatic Protocol ningin tawnnak a pe duh loh. Cuca’ah Russia Defence and Security Chief Nikolai Patrushev nih cun tawn biaruahnak a neihpi i, 2018 i Agreement an serciami Sukhai SU-30 SM Paruk(6)le Navy frigate Fighters pinah Wifi-Drowns-10 AE pawl US$-204 millions man cu tukum 2021chungah phan dingin an ceih. Cupinah Russia Navy Ral tuknak Tilawng pawl cu Myanmar ram Sittwe, Yainbekyuon le Yangon Adani Port pawl ah an duh tikpoh ah hma’n dingin MinAungHliang nih minthut in a pek hna. Hi Yangon Adani Port hi India Mirum Millionaire Mr.Ambani Company le Ralkap ta Myanmar Economic Cooperation nih an dirhmi asi.

MinAungHliang cu June 22-25 Ni-3 chung te lawng Russia tlawn a timh na’in Ni- 25 June in Moscow Airport in a thawh i, Russia thlang lei ramri Czechoslovakia Republic ramri ah Thlipi ” Tornado” a hrang ca’ah a let tha’n i, Russia Ram then Siberian Khuapi Novosibirsk ah a kir i a tum tha’n ti’ah Russia News Agency Taas nih a chim. June 26 hi Swissokel Hotel ah an caam i, a hnuzulh PA Lt.Col Thet Aung, Pilot Maj.Aung Nyein chain,Chief Engineer Maj.

Kyaw Lin, Joint Engineer Maj.Niang Chyen Aung le body Guard -9 he Night Club nuamnakin an caam hna ti’ah theih asi. Ni 27 Zingin Novosibirsk Khuapi i an Tolmachevo Airport in Siberian Dy Governor Mr Petulov Yuri Frogravicha le Myanmar Embassy Attaches Zaw Lin Oo le Military Attaches Brig. Kyaw Soe Mo nih an thlah hna i, Nyphidaw Ral kap Army Airport cu Zaan 11:28 PM ah an phan ti’ah theih asi. Nyphidaw Ralkap Airport in Lt. Chief General Soe Win le Russia Ambassador to Myanmar H.E Nikolay A. Listopadov le Mi dang pinah Nyphidaw Tianghmu zongnih an rak don hna.
June 29,2021 in Vawleicung Ram rum bikmi Ram- 20 telnak G-20 Foreign Ministerial Meet cu Chairman a tlaih liomi Italy ram thlang lei Southern City Matera ah an nei tha’n cang.

Hi Meeting hi Italy Foreign Minister Luigi di Maio nih a hruai hna lai i, US Secretary of State Mr. Anthony Blinken le China Foreign Minister Mr. Wang Yi hna an i tel lai i, biatak te’in i phomh dawh an si. Asia in Japan le S.Korea pinah Australia an i tel fawn lai. ASEAN Ramchung in Singapore Foreign Minister Mr. Vivian Balakris – hnan a tel lai.

Anih hi UN tang 20 International Civil Society Groups(C-20 groups) le Convenor of Global Governance Group-30 tuan liomi asi. Cun, Italy Foreign Minister De Maio sawmnak in Indonesia Foreign Minister Retno Marsudi zong a tel ve lai. Aruang cu 2022 ah Indonesia nih G-20 Chairship a lak cang lai ca’ah asi.Tu ta’n ah hin Singapore Foreign Minister Vivian nih Myanmar ram buainak kong chuahpi a timh i Indonesia,Japan le S.Korea Foreign Ministers pawl nih biatak te’in dirkamh cio an timh ti’ah thawngpang thar theih asi. G- 20 Leaders( Ram Presidents/Prime-Ministers) Submitted cu a ra laimi October thla dongh lei’ah an nei tha’n te lai.

NLD Cozah Chan i President House Spokes -man le Aungsan Suukyi nih a Mi zumhngaimi U. Zaw Tay cu Ralkap Cozah nih June- 26,2021 khan an tlaih nak Nyphidaw Thonginn pi chung in an chuah tha’n cang. Amahbelte zei Politics hmanh tuah lo dingin a min a thut cang ti’ah Ralkap nih thawng an thanh. Mizoram lei zong kan hnu lei Zarhchung khan Ralzam Minung 700 leng Chinram in an lut ti’ah India News nih a tial i, Chin State Ex-CM Pu Lian Luai le NLD MP thar/thing- 22 he Mipum 10026 Refugees an um cang. District 11 lakah District-10 ah Kawlram Ralzam an um i, Champhai District chung lawngah Mipum-4352 an um cang an ti. Tutan arak lutmi pawl hi Mindat, Kanpalet le Matupi lei in a lutmi an tam ti’ah theih asi MC Bik Lian.

Leave a Reply