Matupi Peng Chianpian khuami tar le upa tiang SAC ralhrang nih an thil an phorhter hna Chin Ramkulh thlanglei Laitlang Matupi Mindat lei ah ke in a kalmi SAC ralhrang hna nih Matupi Peng Chianpian khuami tar he ngakchia he hramhram in an thil an phorhter hna tiah thawng kan theih.

Khuami pakhat nih Matupi in Mindat lei ah a kal mi an si.Thil phorhter mi hna chung in kum upa deuh pathum cu an thlah than hna tiah kan theih.Rian a tuan mi Kawl pathum zong an tlaih ve hna. Cun lam i aa chawk mi poh an tlaih dih hna tiah a chim.Cun dum lo a kal mi le a um mi zong an tlaih dih hna.

Atu tiang ah an tlaih mi hna zat cu kan thei kho rih lo tiah a cunglei khuami nih a chimchap.Tukar hrawng Mindat le Matupi kar ah kahdohnak a sang chinchin.A thi mi le hliam a tuarmi theih khawh an si rih lo the hakha post.

Thawngdang Myanmar Rahrang pawl cu An tuar ve thluamah cang ko hih. Ceicik cek ve hna seh, mi mipi nunnak tampi a liam zong ah zeipoi lo bantuk in an um i tutan cu anmah chung lila in Covid-19 in a zawmi an tam bak ve cang. Min Aung Hlaing nupi cu Covid- in a zaw i a thi dengmang cang tiah theih a si.

A nupi cu Oxygen level zong atum ngai cang i, lungrethei ngai in khua an sak ve lio si. Micung ah tuahsernak that lo man cu an tuar cuahmah ve ko hih. Cu lawng si lo in Zaw Min Tun te chungkhar zong Quarantine ah chiah an si ve ti asi. Cu leng ah cun Than Shwe te chungkhar zong hi Covid-19 in an zaw ve ko tiah innpa naihniam nih an chim.

Cu leng ah Min Aung Hlaing a chang tu ralbawi Soe Win a nupi Daw TanTan le a an sin um nu telh in minung pa 5 bak Quarantine ah an chiah fawn hna tiah theih a si. Cu pa 5 chung ah cun pakhat cu a nunnak aliam cang. August thla an tuah dingmi press conference zong tuahthan lo ding in an cancel than cang.

Atu bantuk in anmah ralbawi chung in Covid-19 in a zawmi an tam tuk cang ruangah an program vialte zong an cancel dih nak hi asi . Min Aung Hleing nih a chim ve nak ah cun mipi caah a herhmi tu tuahkhawh kan i zuam lai tiah achim.

Thawngdang Germany Nih Mipi Thim Mi Cozah Phungninglo In Hlawt A Duh Lo Kawlram mipi nih an thim mi cozah phungninglo in an hlawt mi kan cohlan lo tiah Newyork ah a um mi permanent mission of Germany to the United Nations nih a thanh.

Mah bia hi Germany UN palai changtu Gunter Sautter le Kawlram UN palai U Kyaw Moe Htun hna July 31 nih an i tonnak ah Germany palai nih a chim mi a si tiah theih a si.

Atu bantuk Kawlram nih harsatnak an ton lio ah Germany nih Kawlram mipi lei ah a dir peng ko tiah UN palai Gunter Sautter nih a ti.Ralhrangbu cawlcanghnak le sualnak a tuah mi hna cu Germany nih kan colhan khawhlo bantukin a thiltuahmi cungah tuanvo a lak a hau te lai tiah Gunter Sautter nih a chim tiah Germany permanent mission to the United Nations nih a thanh the chin post.

Thawngdang US Defence Secretary Nih Taluk Ralrinnak A Pek US nih Taluk he buai kan duh lo nain kan ram ca i thil thathnem mi miaknak tiang hnahnawhnak a kan pek a si ahcun dai tein kan zoh lai llo tiah Singapore ah a tlawng lio mi US ralvennak vuanci Lloyd Austin nih a chim.

Lloyd Austin nih Taluk nih South China Sea ah a ngeih mi kong a chim mi hi vawleicung upadi le phunglam he a kalh mi a si.Taluk cozah nih hin south chin sea kong pin ah buainak dang zong dai tein tawlrel duhnak lungput a ngei lo tiin Lloyd Austin nih south china sea he a pehtlaihmi a hawikom ram pawl chanh ning a chim.

Taiwan tikulh kong,Taluk ramah a ummi Muslim miphun hna ci mit lakin thahnak, India le china ramri buainak hna cu Taluk nih mei a vanmi lawng a si.Chawnhbiaknak he tha tein ceihpi zong a duh lo.

US nih Taluk cozah he zong siseh, Taluk ralkap he zong siseh buaibai kan duh lo, rem tein um kan duh ko.Asinain kan caah thil thathnemmi ah hnahnawhnak a kan pek a si ahcun dai tein kan zoh sawhsawh lailo tiah US defence secretary nih a ti.

Singapore ah a tlawnglio mi US ralvennak vuanci le Singapore ralvennak vuanci hna cu nizan ah pumpak in tonbiaruahnak an ngeih hnu ralvennak kong tonbiaruahnak ah a tubantukin a chim mi hi a si.Hi tonbiaruahnak ah Taluk buainak kong pin ah Kawlram uktu ralhrangbu hna thiltuah ning cu pom awk tlak le pom khawh ding pakhat hmanh a um lo tiah Lloyd Austin nih a chim the chin post.