CNLD Mino; Thantlang Peng Tlangrua le Hakha Chin Oo Si Mino he Ton Biaruahnak

Theihtlei

CNLD Mino; Thantlang Peng Tlangrua le Hakha Chin Oo Si Mino he Ton Biaruahnak
==========================
CNLD Thantlang Peng Mino nih Tlangrua mino siseh, Hakha Peng mino nih Chin Oo Si mino he 2020 August 14 ah tonnak le mino bu dirhnak tlamtling te in kan tuah kho. “Miphun Covo Lak Than Dingah” CNLD mino thazaang a kan petu ramchung, ramleng nan dihlak cung ah kan i lawm.

Tonnak innka kaupi in a kan onhtu inntek nu le pa cung ah kan i lawm tuk. Kan Ram le kan Miphun Pathian nih thluachuah in lam kan hruai ko seh. Kan Chin miphun cu Chin mi nih kutzatial tlaih in dirhkamh ko hna usih. Upatnak he, CNLD Mino, Hakha, Thantlang.

Editor Hmurka (Editorial), Pathian nih Chin Miphun cu vawleicung ah Miphun Puitling sinak in a kan ser ve. Miphun puitling pakhat nih a ngeih dingmi, “Miphun, Ram, Nunphung, Caholh” tlamtlingte in a kan pek. Vawleicung ram ah miphun sinak a ngeimi he aa ruang in zei zongvialte tlamtlingte in a kan pek dih.

Asinain miphun puitling kan sinak hrampi a simi “kan miphun, kan caholh, kan nunphung, kan ram le kan vawlei’ hna cu miphun dang nih an kan hrawhpiak/dawpdolh cuahmah. Pathian nih kan miphun sinak in a kan pekmi covo hna cu chuh le hrawnhpiak cuahmah kan si. A lam kip in alanghngan mi pawlisi le aa thupmi pawlisi he kan miphun sinak a tlau nakhnga an i zuam cuahmah.

Cu bantuk in kan ton cuahmah mi chung in chanhchuah ding le kan miphun sinak dirkamh in kan miphun covo lak than ding ah Chin National League for Democracy (CNLD) Party Party kan dirh i tutan thimnak ah luh hi a si.

Kawl miphun nih Kawl Party thimfung an pek cu an miphun an dawt caah a si. Rakhine, Shan, Karen le a dangdang tlangcungmi cio nih an miphun Party thimfung an pekmi cu an miphun an dawt caah a si. Kawl kan huat caah a si lo. Kawl nih an kan huat caah tlangcung mi Party thimfung an kan pek lo a si lo. Miphun a ngeimi nih an miphun dirkamh ding tuanvo kan ngei tiah an theih caah a si.

Kan Chin ram le miphun tungmer ding ah Pathian nih kanmah lila tuanvo a kan pek. Kan Chin Party a thazang a der i chambaunak a ngei zong ah mizapi nih thazaang a cahnak ding ah kan Chin mizapi lila nih kan dirkamh a herh. Kan miphun kong ah thachia lo in le kan miphun i funtim in thazaang a cahnak ding ah CNLD kan dirpi cio naklai upatnak he kan in sawm hna. (2020 August 8 chuahmi avoi 1nk Chin Miphun Authawng chung in)

Leave a Reply