Covid ralrinnak caah Stay at home in Hakha Lockdon tuah a si lai Lockdown hmaizarh chung tuah a si lai. Thaizing niruk ni July 17 hi zarhkhat caah eidin herhpang zalh cio ding a si lai.Matupi lam,Falam lam,Thantlang lam phih dih a si lai.Market le sii dawr cu 1:00PM tiang hon a si lai the chin post.

Thawngdang Rangoon khuapi, South Okkalapa ah a ummi ralhrang ngeihmi Global Treasurer Bank (GTB) cu July 15, zinglei 11:10 AM ah an baoh tiah a kiangkap ummi hna sin in theih a si. A baohtu cu minung pathum an si i Taxi in an ra, meithal voithum an puah tiah an chim.

“Ralhrang le palik an tam caah naih tein kan hmu kho lo. Lam an phih i palik nih tha tein an check cuahmah lio si” tiah Bank pawngah a ummi pakhat nih a chim. Cuka a ummi cheukhat nih tangka sing 100 an lak tiah an chim. Asinain hihi fiangtein theih a si rih lo tiah an ti. Tangka zeizat dah an lak, minung hliamtuar an um maw ti kha an hlathlai cuahmah lio a si.

Global Treasurer Bank cu ralbawi chiahru Thang Sui (Than Shwe) chan lioah a chuakmi a si. Cinthlak lei le zuatkhalnak lei vuanci zung tangah a ummi a si. A dirnak kum 25 renglo a si cang. Myanmar ramchung dihlak ah GTB Branch 172 a um. Khit Thit Media

Thawngpang dang: Mindat Ah Nu Pahnih Sin In Covid-19 Zawtnak An Hmuh. July 15, 2021, nihin ah Mindat khua ah nu pahnih sin in Covid-19 zawtnak an hmuh tiah theih a si.
Covid zawtnak hmuhmi nu pahnih cu tukar hrawng Pakokko ah um kal an si i July 13 ah Mindat ah a rak phan mi an si, atu hi Mindat sizung pi ah chiah in an mah he ai pehtlai mi zong check hlatnak an tuah hna tiah theih a si.

Relchap ding: Phakanh peng TantaNginawng pawng ah fak tuk in i kahnak a chuak i hriamngan nih mipi 6 a hliam hna. Kachin Ramkulh Phakanh peng Kumtsai khua le Tanta nginawng pawng July 15 zingkaa 7:30 ah a thawk i 9:00 tiang KIA le Rallokap ii kahnak a chuak tiah theih a si.

An i kah lio ah Nanhzaa khua hmunhma la mi hna nih hriamngan an thlah nak kuan nih Saiprakhua chung ah a tla i mipi 6 a hliam hna tiah khua mi pakhat nih a chim I khahnak ruang ah Hkairun, Gawlu yang le Kumtsai khua hna cu ralzaam dirhmun ah an um tiah theih a si. Tuzing i khahnak ah kaphnih in a hliammi le a thimi zat fiang in theih a si lo the chin post.