Surkhua ah thla hnih ca electric mei man SAC kuttang riantuan nih an hal hna tiah HCJ nih langhter Hakha Peng, Surkhua ah May le June thla ca electric mei man cu SAC kuttang riantuantu nih an hal hna i hihi kan doh tiah Hakha Campaign for Justice nih an langhter.

Surkhua ah ningcang loin mei man a khawlhtu cu Hakha mizapi nih kan doh. Thla khat ah Ks.1600 kei man nan pek mi cu ralkap sin ah a phan thiamthiam. Cucaah Surkhua mizapi nih mei man pe ti hlah u. Surkhuami ca ah mei man pek lo hi nan hriamnaam tha bik a si. Surkhua ah SAC kuttang riantuan hna nih May le June thla ca mei man ningcang loin an hal hna tiah HCJ nih an thanh.Surkhua hi an khuapi tein electric mei a ngah rih lo mi an si tiah kan theih the hakha times.

Thawngdang ICJ Biaceihnak Ah Kawlram Aiawh Ding A Fiang Kho Rih Lo Genocide he pehtlaih in Kawlram cung ICJ biaceihnak a voi 2 nak cu a ra lai mi September thla hrawng ah ngei dingah ruah a si nain,Kawlram aiawh ding kongah a fiang kho rih lo tiah Global Justice Center, Legal director Mr. Grant Shubin nih a chim.

Phungning ahcun biaceihnak hi a tu thla ni 23 ah ngeih ding a si nain, biaceihnak ah Kawlram aiawh in a hohmanh an rak thlah hna lo bantukin a herhmi thil zong zeihmanh zong kuat a si lo caah a ni thla thial a hau ding phun a si nain atu tiang cu ceih le khiah mi a um rih lo tiah theih a si.

Hi kong pehtlaih in Mr. Grant nih- zapi nih kan hngah mi cu biaceih zung nih zeitindah a kalpi lai ti hi a si.Phungning ahcun biaceih zung nih kaphnih biahalnak le bialehnak a ngeih ding a si…

A sinain, atu dirhmun ahcun Kawlram aiawh ding kong he pehtlaih in lung awtam in kan um.Biaceih zung nih caan lak in a hngah lio a si caah September ah tuah ding mi UN General Assembly ah Kawlram kong he pehtlaih in zeitindah biakhiahnak kan tuah lai ti an hngah mi a si men lai.

Atu dirhmun ah zapi nih kan hngah mi cu UN general assembly biachahnak hi a si.Mah biachahnak hnu lawngah thawk khawh ding dirhmun a si.ICJ ah ralhrangbu nih sihni a hlan mi kong zong zeihmanh a fiangfai mi a um rih lo tiah Mr. Grant nih a chim.

Organization of Islamic Co-orporation (OIC) chungtel ram 57 aiawh in Gambia nih Kawlram cu Rohingya miphun hna cungah genocide na tuah tiin ICJ ah taza a cuai ruangah 2019 December 10 le 12 ah a voi 1 nak biaceihnak ngeih a si.Kaphnih nih an chim mi cungah 2020 January 23 ah ICJ nih Kawl cozah cu biatlang 4 he ca lehnak a tuah i, mah ahcun genocide a um lo nak dingah ven ding le an riantuannak cu thla 6 voi 1 ICJ ah pek dingin ti a si the chin post.