Khuapi Mei Kangh Dih Le Lu Tan Hi Ralhrang CDF Kan Thianh nak Hna Ah A Cang Sual Mi Si

Theihtlei

NLD Party Ka Sinak Ah Ka Hnakruh Aka Doh Mi Le Chin Party Sin Ah Mitmai Bit Tertu Pawl AG Biakinn khumzualtu CDF Ttl Fanau hna Lu loin kan kung an tlung nak boruak le Nithla he aatawn mi Kan Pi ICJ Kalnak le Bia hla hi tuak lo awk tha lo ansi.11December hi ICJ ah, MAH le Rawlbawzik hna Khumzual ah awk ah, Kan Pi Biachimh ni asi.11 December cu CDF Ttl kan fapa le hna pathum an ruak kan lak khawh ni, lungrawn cio ah tlun pi ni, Lu loin, vawlei ah, Laimi kan i phumh hmasat ni asi. Sui Thantlang Khuaci mui bik nicaan asi.

ICJ ah Kan Pi chimh ning he tahchun ahcun: Khuapi mei kangh dih le Lu tan hi “Genocide asilo, War Against Humanity asilo, Crime Against Humanity zong asi lo. Ralhrang CDF kan thianh nak hna ah aacang sual mi asi. Ralkap nih an lu an tan ko timi le Ralkap nih Ttl khualipi mei an duah ko timi evident base / database / tehte nan piah khawh lailo. Kap hnih raltuk lio a cang sual thil asi” ti lei khin a sawh ve hnga!

ICJ ah Kan Pi Nih MAH le Rallokap an dinfelko ti ban tuk in ava khum zual ni kha asi. Genocide timi cu Rakhine le kawlram ah aum lo ati mi Kan Pi. (လူမျိုးတုံးသတ်ဖြတ်ခြင်းမရှိဟု ICJ တရားရုံး၌ ဒေါ်အောင်ဆန်းစုကြည် လျှောက်လဲ BBC).11 December 2019 ah, ICJ Tazazi zung ah, KANPI biachimh mi cu Amah Kan Pi Suh asi rua lo ti awk in aum. Khuachia le Khuavang nih i hrawlh sehlaw cukocu a lawh ngai ngai ICJ The Hague ah Kan Pi bia Atlangpi.

“Rakhine ram thil sining kha Hitler nih Judah miphun ting 60 thahnak, Bosnia Tuksapur Thahnawn nak he nan palh sual rua? Rakhine ram hi a buaithlak tukmi asi caah nan i fian khawh lo tu asi. ARSA Ralkap 400 nih Palik le mipi kha hram hram in an thah hna caah Helicopter kan hmannak asi. ARSA umnak hmun (12) thianhnak caah asi. ARSA lomi mipi an thih khawh ve ko. ARSA nih mipi ah Uniform loin an i cawh caah asi. Kudapin kong cu UN riantuantu hlun hna he kan hlat cuahmah i tehte 1500 bia kan hal cang hna. Misual hna cu Ralkap Sit khung zung nih biaceih in datat nak kan tuah lio asi. A sual mk ralkap cu ngaihthiam in thlah an si nak cu ka lungtha ve hrim lo. Kawlram nih dothla mi biaceih zung le biaceihtu bawi kan in ngei hna. Cu hna nih a thabik in an tuan chuah lai caah UN le ICJ, ICC, Argentina biaceihzung nih tlangtla in tuah piak kan herhnak a um lo. Cihmih thahnawnnak siloin, nuhrin covo an buar tu asi deuh. A sualmi ralkap le Ralbawi hna cu: Kawlram biaceih zung nih dantat ding tu khi asi deuh hnga. Kawlram ahcun Hriamtlai mi hna he ral i doh hi kum tampi asicang. Tulawng hi asimi asilo. Tutan zong hi Chinram Paletwa ah AA 400 he ral kan i tuk cuahmah lio asi. Rakhine ram PEACE (Dainak) caah rian kan tuan cuahmah lio pi asi. Genocide timi Cihhmih thahnawnnak hi cu aum bak lo khi asi ko” tiah KAN PI nih ICJ ah a chim.

“Biachim thiamlo mah kung tlung” ti mi le ” Surcheh thiam lo mah lu khuh” ti bangin ICJ ah Kan Pi amah nih a chimh ning bangin Rallokap nih Amah tu sual phawt in / thiamlo coter in tazacuai asi. Apoi bak ko (Midang tazacuai mi vialte zong). ICJ ah Kan Pi Suh nih dotla mi biaceih zung, Dotla mi biaceihnak, Dotlami Biaceih bawi, ati mi hna nih thongthlak in taza an cuai cuahmah hna ti awkin pingpalo le ningcang loin thil a kal dih ko.

Zawmelung phisin dan hi Zaw Htay phisin dan he aalo ko. Aruang cu kawlram zawtnak hi MAH le Ralhrang Rallokap sin lawng ah siloin, Civil Luban nunlung zong khuasa ve ko ti awkin Theory incun a langh ko. Poitak.

“No Man Is Perfect” “Atling mi Minung ti a um khawh lo” timi tuanphung a tlin cikcek tinak asi.Jesuh nihcun na sualnak ngaihthiam nasi. Hi hnu bel va sual ti hlah ati.Nehnu palh lo le sual ti lo i zuam cio cang hna usih. Abikin kannih NLD Party pawl.

Mipi kan cozah NUG zong nih fimchimh lamhruaitu ah kan cohlan piak uhlaw, Tlangcung miphun le Panglong damnak lei tu ah kan panh pi hram uh.Kannih NLD fan pawl zong thlachiat ruat lo biachimh holhrel zong i sum deuh cang hna usih. Culocun mi hmaikhah lo le vawlei hmaikhah loin, ningzah mualpho in kan tlawnlen sual lai tiah thinphang daihlo asiko.Credit:Joseph R.Thang

Leave a Reply