Muse(မူဆယ်) Ah Ninga Chungah Hlamtu Ngei Lo Ruak 8 Hmuh Asi.Shan ramkulh chaklei Muse ah hlamtu ngei lo ruak pakhat nihin ah hmuh asi ninga chungah hlamtu ngei lo ruak,ruak riak hmuh asi.

July 1 in July 5 tiangah hlamtu ngei lo ruak,ruak riat hmuh asi i,hi dirhmun ahhin cun Muse khua phungning upadi a zullo mi an si lai tiah khuami nih an chim.Hlamtu ngeitu ruak, ruak riat ahhin i thahnawn nak ruangah a thimi le rit-hai-si ruangah a thimi an si theo lai tiah an chim chap.Nihin ah Muse ah Covid zawtnak hmuh mi hi minung 111 an zohfel hna i minung 51 sinin zawtnak hmuh asi the chin post.

Thawngdang Thantlang Emergency Covid Response Committee thawng thanhnak A tanglei bantukin, a kan hruaitu hna nih zulh ding a kan serpiakmi, kan rak zulh nak lai, thawngthanh le zangfah nawl kan in duh hna Kan khuachung ah mithi um tikah, ruak i fimtawl ning.

1.Covid in mithi kan neih sual ahcun, Covid Committee ttuanvo laknak in, vui cawlh a si lai.2.Hmundang kaa dang in,mithi an um i, ruak tlunpi asi ahcun, suimilam pa 1 chung, inn ah ruak suan in, vui ding a si lai.3.Khua chung i,mithi ruak cu, an thih in suimilam 3 chungah, ruak vui lim ding a si lai.Zaan, suimilam 7:00pm cung i mithi um ahcun, Darkhing tum rih lo in, a thaizing suimilam 6:00am ah dartum a si lai i, zing suimilam 9:00am ah ruak vui lim ding a si lai. Mithi inn i ruak humh tikah ralrin ding le zulh ding

1.Lakphak ti le hangthlum i pek lo ding 2.Rawl dum nak tuah lo ding 3.Ruakvui nak bulletin tuah lo ding 4.Ruak hmumh tikah sau tthut lo ah a tha bik 5 Covid phung in, Pe 6 dan in thut i, Mask i hruk ding, cun Hand-get in kut i ttawl ding asi lai Hi zulhphung hi, July ni (4) in Thantlang khuapi tein zulh ding si lai chin morning star.

Thawngdang THEIH DINGAH KA DUHBIK MI HNA A tulio kan chan le kan ni le thla buai lio ah hin kan theih mi thawngpaang nih ngaihchiatnak a kan phurh cio hna caah kan miphun kan ttap i,chanhtu ngei lo ngaktah fa bangin kan hrum i kan aihraam hna.Cu thawngpaang cu theih kan duh ti lo,theih kan duh bik mi thawngpaang dang hi thleng cang selaw,cu thawng cu a rauhhlan ah kan theih khawhnak hnga,”Bawipa nih kan bawm hram koseh.

1.Min Aung Hlaing le a ralkap bawi an itthen.2.Ralhrang bawi pawl ramdang ah an zaam dih cang.3.Ralhrang pawl hruaitu an ngei ti lo.4.Ralhrang pawl nih ram mipi sin ah an isalender/Asung an khan.5.Chinram nih Indenpenden kan hmuh.6.Chindun tiva in Chinram a sicang.7.Chinram chungah Chin mi nih nawlngehnak dihlak kan ngei cang.8.Chinram ah Chin ralzam an kir cang.

9.Chinram chung ah Chin tangka hman a silai.10.Chin miphun a si mi paoh chinram chung ah um ding in kawh khawh an si cang.A cung i phun 10 hi a tu te ah hin thei cang usilaw ka hna nih a theih dingah ka duh bik mi cu a si.Nang,chap awk le holh awk na ngei ve maw?Van cxhap law,van hlonh dingin kan sawm Kai lawm Saya Tin Duh Thang.

Thawngdang Thawhtanni 28/6/21 ah Daw Suukyi, President U WinMyint le Nyphidaw Council Chairman Dr. Myo Aung hna cu Nyphidaw Special Court A-1, Zibuhthirih ah biaceihnak an nei than. Hi ka ah hin Daw Suukyi nih amah Sihni Daw Min Min Shoe sinah Mipi sinah biacahnak nei in “tulio Covid-19 zawtnak lakah Mipi i ralring dingin forhfialnak a nei pinah Poisa Ting-50 an pek mi lakin tlawmpal cu pek an si cang na’in, Daw Suukyi nih a fapa bantukin a zohkhenh tawnmi a Uite ” Tedcido(do do)” cu a Pi Court a kai poh ah rawl ei duh lo’in a nuar tawn ti’ah A-30 Gov’t Quarter Guard Pakhat nih a chim ti’ah theih asi. Uite “do do” ca’ah hin Suukyi nih Thlachiar Ting khat man rawl eiding a cawk piak tawn i Tuhlan Zung a kai nak zongah a hruai tawn ti’ah an rak chim lengmang cang.

MinAungHliang cu 9th International Security Meeting ah 22/6/21 in Ni-3 chung caam dingin Russia ram Moscow Khuapi ah a kal ko na’in, a timh bikmi cu UNO le Vawleicung doh i Russia sinin Ralthuam cawk dingin a va kal hnawhmi asi. 18/6/21 ah khan UNO Assembly Session ah khan Myanmar ah Ralthuam zawrh ti lo Si seh ti’in Vote-119 (Duh),1(Duh lo),36(Neutral) nih biachahnak an rak neih cang. Cu Vote pe ve duh lo Neutral ram lakah Russia, China le India an i tel ve. Hi kongah MinAungHliang cu a lung a fak tuk i Russia sinah Ralthuam cawk dingin a kal cawlhnak asi.

Russia Defence Minister nih a sawmmi asi pin ah tulio Myanmar buainak ruangah President Vladimir Putin nih Diplomatic Protocol ningin tawnnak a pe duh loh. Cuca’ah Russia Defence and Security Chief Nikolai Patrushev nih cun tawn biaruahnak a neihpi i, 2018 i Agreement an serciami Sukhai SU-30 SM Paruk(6)le Navy frigate Fighters pinah Wifi-Drowns-10 AE pawl US$-204 millions man cu tukum 2021chungah phan dingin an ceih. Cupinah Russia Navy Ral tuknak Tilawng pawl cu Myanmar ram Sittwe, Yainbekyuon le Yangon Adani Port pawl ah an duh tikpoh ah hma’n dingin MinAungHliang nih minthut in a pek hna. Hi Yangon Adani Port hi India Mirum Millionaire Mr.Ambani Company le Ralkap ta Myanmar Economic Cooperation nih an dirhmi asi.

MinAungHliang cu June 22,25 Ni 3 chung te lawng Russia tlawn a timh na’in Ni 25 June in Moscow Airport in a thawh i, Russia thlang lei ramri Czechoslovakia Republic ramri ah Thlipi ” Tornado” a hrang ca’ah a let tha’n i, Russia Ram then Siberian Khuapi Novosibirsk ah a kir i a tum tha’n ti’ah Russia News Agency Taas nih a chim. June 26 hi Swissokel Hotel ah an caam i, a hnuzulh PA Lt.Col Thet Aung, Pilot Maj.Aung Nyein chain,Chief Engineer Maj.Kyaw Lin, Joint Engineer Maj.Niang Chyen Aung le body Guard -9 he Night Club nuamnakin an caam hna ti’ah theih asi. Ni 27 Zingin Novosibirsk Khuapi i an Tolmachevo Airport in Siberian Dy Governor Mr Petulov Yuri Frogravicha le Myanmar Embassy Attaches Zaw Lin Oo le Military Attaches Brig. Kyaw Soe Mo nih an thlah hna i, Nyphidaw Ral kap Army Airport cu Zaan 11:28 PM ah an phan ti’ah theih asi. Nyphidaw Ralkap Airport in Lt. Chief General Soe Win le Russia Ambassador to Myanmar H.E Nikolay A. Listopadov le Mi dang pinah Nyphidaw Tianghmu zongnih an rak don hna.

June 29,2021 in Vawleicung Ram rum bikmi Ram 20 telnak G-20 Foreign Ministerial Meet cu Chairman a tlaih liomi Italy ram thlang lei Southern City Matera ah an nei tha’n cang. Hi Meeting hi Italy Foreign Minister Luigi di Maio nih a hruai hna lai i, US Secretary of State Mr. Anthony Blinken le China Foreign Minister Mr. Wang Yi hna an i tel lai i, biatak te’in i phomh dawh an si.

Asia in Japan le S.Korea pinah Australia an i tel fawn lai. ASEAN Ramchung in Singapore Foreign Minister Mr. Vivian Balakris – hnan a tel lai. Anih hi UN tang 20 International Civil Society Groups(C-20 groups) le Convenor of Global Governance Group-30 tuan liomi asi. Cun, Italy Foreign Minister De Maio sawmnak in Indonesia Foreign Minister Retno Marsudi zong a tel ve lai. Aruang cu 2022 ah Indonesia nih G-20 Chairship a lak cang lai ca’ah asi.Tu ta’n ah hin Singapore Foreign Minister Vivian nih Myanmar ram buainak kong chuahpi a timh i Indonesia,Japan le S.Korea Foreign Ministers pawl nih biatak te’in dirkamh cio an timh ti’ah thawngpang thar theih asi. G- 20 Leaders( Ram Presidents/Prime-Ministers) Submitted cu a ra laimi October thla dongh lei’ah an nei tha’n te lai.

NLD Cozah Chan i President House Spokes -man le Aungsan Suukyi nih a Mi zumhngaimi U. Zaw Tay cu Ralkap Cozah nih June- 26,2021 khan an tlaih nak Nyphidaw Thonginn pi chung in an chuah tha’n cang. Amahbelte zei Politics hmanh tuah lo dingin a min a thut cang ti’ah Ralkap nih thawng an thanh. Mizoram lei zong kan hnu lei Zarhchung khan Ralzam Minung 700 leng Chinram in an lut ti’ah India News nih a tial i, Chin State Ex-CM Pu Lian Luai le NLD MP thar/thing- 22 he Mipum 10026 Refugees an um cang. District 11 lakah District-10 ah Kawlram Ralzam an um i, Champhai District chung lawngah Mipum-4352 an um cang an ti. Tutan arak lutmi pawl hi Mindat, Kanpalet le Matupi lei in a lutmi an tam ti’ah theih asi.