Kum 20 renglo US le NATO ralkap nih an umpi hnuah US, NATO ralkap hna an kir le cangka in Taliban hna nih Afghanistan ram lak dih dingin fak piin an tuk.Khuapi zong pakhat hnu pakhat an lak cang bantukin kum 12 cung nu hna cu hlawhhlang caah an tlaih thluahmah hna tiah theih a si.

Thawngthanhnak pakhat nih a chim ning ahcun Taliban bawi hna nih pasal a ngei rih lo mi kum 12 in 45 kar nu hna cu an sinah ralkap pawl nupi caah hruai dingin biaknak lei cawnpiaktu hna sin ah nawl an pek hna.

Hi thil an an tuahmi hi “Raldohnak Laksawng bantukin an ruah pin ah anmah caah vanthatnak pakhat a si” tiin an ruah pin ah, innkhat hnu innkhat ah tlaih dingin an kawl hna tiah a chim.

Taliban pawl nih an inn an khangh piak hna Kabul ah a zama mi Faiz Mohammed Noori nih Taliban hna nih Kabul an lak khawh a si ahcun nan nupi le nan fanu hna cu an in lak piak te hna lai.Hi hna pawl hi zeihmah an ruat kho ti lo tiah a chim.

Taliban pawl nih nu hna sin in an duhmi an hmuh hnuah cheukhat cu hlawhhlang hmun ah an chiah hna, cheukhat cu Al Qaeda raltuk cawnnak hmun ah le cheukhat cu Afghanistan mi rum hna sin ah an zuar tawn hna.

Anmah nih Bacha bazi an ti mi hi Nu hna sal bantukin hman mi phunglam pakhat a si i, kum zabu 21 ah Bacha bazi hi Afghanistan le Pakistan nitlak chaklei ah hman rih a si tiah theih a si.

Atu hi Afghanistan khuapi 34 lakah khuapi 9 cu Taliban pa nih an lak cang.A cozah he pehtlaihnak a ngei mi paoh an lu an tan hna tiah Kunduz in a rak zaam mi pakhat nih a chim.Afghanistan chaklei Mazar-i-Sharif khuapi cu lak an duh ngai mi pakhat a si i, an khualipi Kabul zong August thla chungah an lak te men lai tiah ruah a si the chin post.