Raltuk Ngam Tung Lo In CDF Ah A Lut Mi Chin Mino Kan Tam Cang A Poi Tak Tak Si

Theihtlei

A Cawm Lam Na Har Kir Ziar Law Na Chungkhar Riantu Bawm Hna Law A Ttha Deuh Lai AN Ti Naihrawng i kan theih cio mi bia le thawngpaang hi a dik ko lai tiah ka zumh caah zapi hmuhkhawh dingin ka post ngamnak a si.A min cun CDF ah a luut mi an tam leengluang e an ti.CDF,peng le tlang le khuakip cio in an ngeih cio hna i,mino tampi zong miphun le ram chanh duhnak thinlung he an luut thluahmah ti a si.

Asinain,thawng kan theih tthan mi cu,cunglei in,Cuka ahcun raltuk ding tiah an hautu hna nih an ti hna i,cu zat cu kalding tiah an hruaitu nih an thim hna ah hin,kei cu,ka paw a nuam pah lo,kei cu ka cumpi tuk,kei cu ka taksa um a nuam pah lo le nidang ah,tiin pheetsawtnak bia lawng an chim i,minung 200 ah hin ral a do ngam ding taktak hi 50 tluk lawng an um lai ti a si.

Hibantuk in raltuk ngamh taktak ttunglo ahcun,na hawi le caah thachiattertu pakhat na si pinah ,nan tlang mi ca le kan miphun caah cawmhar le na Unifrom cawknak lam ah tangka tampi an dih i,kir ziar law nan khua ah na chungkhar kha ttha tein rian bawm hna law,cu na ttuan mi chung tu in miphun caah ngamh takin a ttuan mi kha thazaang pee hna law a ttha deuh hnga lo maw,an ti Saya Tin Duh Thang.

Thawngdang Myanmar ram ah Rohingya miphun hna miphun cihmih thahnawnnak he pehtlai in Min Aung Hlaing le ralhrang bawi rual tazacuaimi cu Argentina biaceihzung nih a cohlang cang i a rauh hlanah hlathlainak le biaceihnak kan tuah lai tiah an thanh cang.

Rohingya miphun hna thahnawnnak kongah Min Aung Hlaing le ralhrang bawi hna Argentina biaceihzung i taza kan cuai khawhmi hna hi tuanbia cahmai thar pakhat a si tiah Rohingyia Organization UK (BROUK) nih tuni ah cathanh an chuah colh.

Argentina ram Buenos Aires ah a ummi biaceihzung nih Myanmar ralhrangbu hotu Min Aung Hlaing le ralhrang bawi dang hna sualnak hna cu hlathlai i biaceih dingah Nov 26, 2021 ah a fehtermi a si.

Min Aung Hlaing le ralhrang bawi dang hna tazacuainak hi Rohingyia miphung kong tawlreltu BROUK nih November, 2019 ah khan Argentina biaceihzung ah an rak chuahpimi a si.

BROUK hotu U Tun Khin nih “Tuni hi Rohingyia miphun hna ca lawngah si loin hmunkip i namneh le sersat a tongmi mipi hna caah ruahchannak ni a si. Argentina ram biachahnak nih miphun cihmih thahnawnnak tuahtu hna caah i thuhnak hmun a um lo ti kha a langhter. Cu bantuk fihnung sualnak hna dohdalnak ah vawleipi hi fek tein a dir ko” tiah a chim.

Cu lawng si loin “Argentina biaceihnak nih hi tazacuainak a cohlanmi hi ralthatnak le tlukruannak ah lamhmuhsaktu an sinak an langhter i kaa lawm taktak. Myanmar ah kum tampi chung sersat le thah a tongmi Rohingyia miphun hna caah dinnak timi cu tawngh khawh in a um cang. Hihi Rohingyia miphun hna caah tuanvo laknak lawng si loin ralhrang nih ruru hranghrang in ukchihmi vialte hna ca zongah a si ve. Cu hna chungah cun tukum February thla in nawlngeihnak lak hnuah nunnak a liammi, hliam a tuarmi, sersat a tongmi le ahohmanh nih theih lo/hmuh loin thahnawnmi hna rammi vialte zong an i tel” tiah BROUK hotu U Tun Khin nih cun a chim fawn.

Rakhine ramkulh ah a ummi Rohingyia miphun hna cungah Myanmar ralhrangbu nih kum tampi chung sersatnak an tuah cang. Kum 2017 ah Myanmar ralhrang hna nih tualchung ah a chia bikmi thahnawnnak an tuah i Rohingyia miphun sing 8 drawing Bangladesh ah an zam. Cu lawng si loin tlaihhrem, vuak, harem le thah a tongmi tampi an um.

Argentina biaceihzung cu International Criminal Court (ICC) he pehtlaihnak ngei in ralhrangbu hotu hna tazacuaimi kong zongah ruahnak an i cheu, an i bawm tiah theih a si. Ralhrangbu cu Rohingyia miphun thahnawnnak kongah Gambia ram nih International Court of Justice (ICJ) ah taza a cuai cang. Ref: Reuter

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram

Leave a Reply