US cozah tang ummi CDC nih India le Kawlram hi level pa 4 nak ah a chiah i, ṭihnung taktak dirhmun kan si cang.
Kalay le Falam ah kan dawtmi hna nunnak tampi a kan lakpiak.Yangon kan Chin mi Oxygen a ngei lo mi hna caah, kan ngeih mi poh kan chanh dih cang hna. Kan campus ca i kan i chiah mi dur 5 zong a dih than cang.

Kan Chinmi a zawmi hna lakah Testkit a ngei lomi zong an inn hmai ah kan ti khawh tawk in kan pek hna.
Kan Laimi caah a herh sual tik i guiding pek awk ah tiin Pan Hlaing Hospital ka hlat cia i, kan khat cang an ti. Hnu deuh tu ah ward thar kan on khawh men lai an ti. Phawngyi Covid Center tu cu an awn cang nain waiting list in hngah a hau.Yangon General Hospital zongah a zual deuh mi cu luhpi khawh a si an ti. A ho poh admit an tuah duh hna lo. I tlarcia a hauh ruangah zingte in kal a hau lai.

An on ṭhan cang an timi Innya Center ah mi thlah in kan hlatter hna i, direct in kan admit kho lo. Township ah i report a hau, cu hnu lawngah a cung i ka langhtermi center pa khatkhat ah kuat an si lai.Zawtnak dang ngeih chih i zualtuk ah cun, Townships report pek i center lei kal cu a ṭha deuh ko.A zualtuk lomi Positive a simi paoh nih Pathian fale kan si bantukin lungṭhawngte le ralṭha tein doṭi cio kan hau ko.A positive mi nih ‘a dammi an tam deuh tuk’ timi ruahnak he ralṭha tein kan doh ding a si 𝐓𝐡𝐚𝐰𝐧𝐠 𝐓𝐡𝐚 𝐓𝐡𝐚𝐧𝐠.

Thawngdang June 28 in July 2, 2021 ah tuahmi NCCYF le CNN mino Civui pi ah kan pa pakhat a si mi le NUG cozah zongah hruaitu dirhmun ah an kan dir piaktu Dr Lian Hmung Sakhong nih bia a chim mi chungin kan ttial khawh tawk le zeitindah federal army kan ser khawh lai tibantuk siseh NUG le CNF karlak hnatlaknak tuahmi hna zong a chim chih.

A chim mi cu “Tlangcung hriamtlai pawl direct in PDF ah lut dih uh an ti cucu direct in tlangcung hriamtlai pawl PDF ah an luh a si ahcun mah cucu Min Aung Hlaing kuttang i tlangcungmi ralkap va tlak he khin aa lo, ti khan cun Federal army a chuak kho lai lo.

Cu caah federal army a chuah khawhnak ding ahcun kan mah tlangcung mi hna nih kan mah le kan ram cio ah kan ram humhimnak caah ttawan kan laak lai. Kan ram kan zohkhenh lai, timi kha pakhatnak ah kan i tlaih ahau. Pahnihnak ah Kawl pawl ralkap(PDF) le tlangcung hriamtlai ifonh hnu lawngah federal army cu a chuak lai mah cucu kan i fiang tawn lo i tlangcung hriamtlai hna nih an hngahmi zong a si.

Sinain, kan nih CNF nih kan hngak maw, kan hngak lo. Zeiruangah kan hngah lo tiah cun a thei lo mi hna kha kan chimh hna lai i kan mah nih policy kan hruai lai kan ti. Cu caah NUG le CNF kha hnatlaknak(agreement) kan ngei cang.

Kha hnatlaknak kan ngeihmi kha mipi sinah kan phuang duh bal lo, a zapi te cun ka phuang lai lo nain a herhmi pakhat te ka van chim lai. Kha chungah khan bia pahnih aa tel pakhatnak ah Thein Sain cozah ah kan lung a rak tling cia mi Chinland cungah hriamtlai CNF le ralkap cozah lawng a um lai timi kan hna a rak tla. Asinain NUG sin ahcun Chin ram chungah CNF a um timi kha an hna kan tlak pi. Cun Chin ram chung a humhimtu, a zohkhenhtu dingah CNF nih ttawan kan laak kan ti.

Mah kha an lungtling i minthutmi ah aa tel. Midang tlangcung hriamtlai zong nih zeitindah federal army kan ngah khawh lai timi zong an hngalh an theih asinain Kawl pawl nih rak kan sawm hmasa hna seh timi an hngak, mah cucu kan nih CNF nih kan hngak lo.

Kan mah nih kan duhmi kha kan tuahter hna, kan duhmi an tuah ahcun kan i fonh hna lai i kan duhmi an tuah lo ahcun kan kal taak hna lai. Kan duhmi kha kan tuahter hna i an lungtling cu caah kei zong hruaitu dirhmun ka laaknak a si.” tiah a chim.