SAC ralhrang le mipi vengtu kahdoh nak ah ralhrang ceilak an thi.

Theihtlei

Pansai peng chung ah MNDAA le ralhrang kar kahdohnak ah ralhrang minung 5 an thi August 3 ,thok in ni 5 chung ah Shan ramkulh Musee pengkomh, Pansai peng chung ah ralhrang phu hna le MNDAA ralkap kar ah kahdohnak a chuak i, ralhrang lei in Duh-Tat-Yin-Hmu,Duh-Tat-Khuai-Hmu tel in minung 5 an thi tiah Kokang thawngzamhnak The Kokang News nih a langhter.

Khah Mah Yiah 575 le Tatmat-99 le Khah Mah Yiah 79 in minung thazaang 30 hrawng tel mi ralhrang phu cu Pansai khua MNDAA Kokang hmunhma chung ah an rat caah kaphnih kar kahdohnak a chuah hi a si.

Kahdohnak ruang ah Pansai khua pawnghrawng ummi khua chung ah hriamngan tlak in a puah caah mipi lei in minung pakhat a nunnak a liam , khua chung inn hna zong an rawk , khuami hna zong Tuluk ramri lei ah kal in an zaam tiah Kokang thawngzamhnak nih a langhter the chin post.

Thawngdang US ah U Kyaw Moe Tun Thah Ding in Mi an Hlan Myanmar ram aiawhtu UN palai a simi U Kyaw Moe Tun thah ding in US ah a ummi Myanmar rammi pakhat an hlan, tiah Reuters thawngzamhnak nih a ttial.New York ah a ummi bu pakhat nih U Kyaw Moe Tun thah ding in Myanmar rammi pa an hlan hi a si.Asinain, an hlanmi pa nih U Kyaw Moe Tun cu thah loin a thli in a pehtlaih in thah ding in an hlannak kongkau a phuan dih, tiah Reuters nih a ttial.

RFA nih, “U Kyaw Moe Tun thah ding in an hlanmi pa cu FBI nih an kalpi cang. Hi Myanmar rammi pa hi US ah Visit Visa in a rak rami a si i, US ram ah i dor thai ding in a sokmi zong a si,” tiah a langhter ve.Hi kong he pehtlai hin RFA nih U Kyaw Moe Tun pumpak an pehtlaih i bia an hal nain “FBI nih an tawlrel cuahmah lio a si caah keimah pumpak nih dikthlir in chim awk a ttha rih lo. Anmah US cozah lei zong nih thawngpang an chuah rih lo tik ah ka theithiam rih ko u,” tiah a leh hna.

U Kyaw Moe Tun nih, “Na nun a him lo tiah thawng cu an ka thanh. Palik nih hlathlainak an tuah cuahmah lio a si. Keimah pumpak nunhimnak zong palik nih ttuanvo an lak ko,” tiah Reuters thawngzamhnak ah a chim.

Reuters thawngzamhnak nih FBI sin ah Email in bia an hal nain FBI lei nih, “Mah bantuk nunhimnak lei ttuanvo laknak kong cu mizapi sin ah dikthlir in kan phuang tawn lo,” tiah an leh.U Kyaw Moe Tun cu SAC nih uknak an lak hnu ah UN ah SAC aiawh loin Myanmar rammi aiawh in kut zung thum thlir buin bia a chimmi kha a si the chin journal.

Leave a Reply