SAC ralhrang nih Wai Wai an thah nau pawi lio mi a si

Theihtlei

Inndot sang cung in a tla mi hna lakah nu pakhat a tel Facebook account Wai Wai Myint ပန်းသီး tiah hmang mi nu pakhat cu pum lawng lo mi a si i, thlathum nau sem pawi liomi a si tiah theih a si.Inndot sang cung zuan in nunnak a pe mi hna chung in nu pakhat cu lungvar, sui dawr a tuah mi a si i, a pasal hi doctor a si, fanu pakhat an ngei i nunnak a pe ngamtu nu raltha a si.

Cu thil a can lio ah mino hna sin ah phaisa hlu an pek lio a si i, ralhrang phu hna cu an rak phanh caah inndot sang cung zuan in a nunnak a pek tiah theih a si.Mino hna he hmunkhat ah nunnak thap in hramhram nawlngeihnak la tu ralhrang phu uk duh lo nak an langhter the chin post.

Thawngdang NUG Nih Tuah Dingmi Aungbali A Zuartu A Cawtu Tlaih Nan Si Lai,Ralhrang NUG nih tuahding mi aungbali a zuar tu,a caw tu hna cu tlaih an si lai tiah ralhrang nih an thanh

NUG nih tuahding mi awngbali thi အာင္ဘာ‌ေလထီ a zuartu le a cawtu hna cu tazacuai in thongthlak an si lai tiah ralhrang nih a luancia mi August 8 ah khan cathanh a chuah.Tangka thap lentecelh nak upadi pohmah 97 ning in hi cathanh hi langhter a si.

SAC ralhrang hna nih an langhter mi ah NUG, CRPH phu hna cu SAC nih phungninglo phu pakhat ah thanh a si caah phungninglo tangka thap lentecelh thi ထီ zuarnak an tuahtimh mi kong ah mah pumpak i tel, tha pek nak tuah le, lam pakhat khat in i tel nak le tehte he hmuh a si ahcun, cu palh nak hmuhpiak mi cu tangka thap lentecelh nak upadi ning in tazacuai in thongthlak a si lai tiah an langhter.

Thawngdang Mipi Nuai 50 caah ramleng runvennak sii cawk a si ahcun rampi a si a fak kho tiah ralhrang bawi nih a chim Ramchung hman ding ah Covid runvennak sii cu ramleng ta cawk peng a si ah cun rampi a si fak kho caah ramchung ah chuahkhawh ve nak ding ah zuam a hau tiah August 9 Naypyidaw ah tuah mi ralhrang phu Covid runvennak,zohkhenh ning cang kong tonbia ruahnak ah ralhrang phu hruaitu Min Aung Hlaing nih a chim.

Cu ruang ah ramthen le ramkulh in sii lei finthiamnak ngei mi hna cu auh in Covid zawtnak runvennak sii chuahkhawh ve nak ding ah ralhrang bawi Min Aung Hlaing nih forhfialnak a chim nak kong cu nihin ah chuahmi Cemung ၾကးမံု le Myanmar a Lin မန္မာ့အလင္း nih chuah mi thawngzamhnak ah an langhter.

A luan cia July thla chung ah khan Tuluk le Russia Covid runvennak sii nuai reng lo a cawk cang nak kong cu ralhrang bawi nih Naypyidaw ah tuah mi tonbiaruahnak ah a chim.

NLD cozah chan ah India ram in Covid shield runvennak sii nuai 1.5 cu laksawng a ngah hnu ah Covid runvennak sii nuai 30 cu cawk a si.Laksawng ngah mi runvennak sii nuai 1.5 le cawkmi nuai 30 chung in runvennak sii a phan mi dihlak nuai 3.5 cu ramchung ah chunh dih a si cang tiah ngandamnak lei nih cathanh an chuah.

Cu runvennak sii cu NLD cozah chan ah ngandamnak lei riantuan mi hna le, volunteer hna cu chunhn hmasa an si,Kawlram cu nichuah Asian ram chung ah Covid runvennak sii chunh hmasa mi ram ah a rak i tel.

Atu lio ramchung ralhrang kut chung ah hin July 26 in August 2 tiang ah ramchung ah a um mi kum 18 cung nuai 30 leng chung ah 6.5% cu Covid runvennak sii chunh an si cang tiah ngandamnak lei riantuan nak mangki Dr Kyaw Kan Kawng nih a chim the chin post.

Leave a Reply