Salai Lung Thli Tum Nih Hakha CDF Kong A Phuan Cang

Theihtlei

Kawi Tluang, CDF pakhat a si ve mi nih ‘Hakha khuachung ah kan kah lengmang ko hna, an khangh ngam lo, khangh u tiah nawl len zong ah an khangh ngam lai lo’ timi na cabia ka rel i ka khuaruah har pah. Khua leng ummi sakhan ah uico ralkap an tam tuk ko i anmah kah lem loin khuachung theng a ummi kah lengmang i inn lak i thup than cu a dik tiah ka ruat lo, miphun dawt ruang ah kan kah hna nan ti ko lai nain catial tu Salai Lung Thli Tum.

Thawngdang MAH le Ralhrang an Bia Ceih te nak ding lam IIMM le CHRO cu nizan tihni ah Chinram le Chinmi kan um nak Sagaing le Magwe ramthen hna I MAH le Kawl ralhrang nih nuhrin covo an buar nak kong le zeitin dah an sual nak vialte hi record ah kan chiah lai timi kong ceimai nak ka nei. IIMM timi hi Burma ram nuhrin covo le Democracy cawlcanghnak lei I ai tel pang mi nih cun theih pah cio asi lai dah. A dik thlir in kan theih lo hmanh ah a thluam thlam tal cun theih cio asi.

IIMM tiah a tawinak in auh mi cu Independent Investigative Mechanism for Myanmar tinak asi. 2018 ah UN Human Rights Council nih Burma ram caah adirh mi bu asi. UN nih Burma ram ah Ralhrang (Tat ma daw le cozah) nih nuhrin covo an buarnak hi a sawhsawh si lo in “crime against humanity” minung sinung phung ralchanh in (Pipu hna holh cun Mi kello) minung lungput le sining tiang lonh in mipi cung ah sualnak atuah. Hi an sualnak vialte hi ram chung beiceih nak ah, asi lo ah ram pakhatkhat biaceihnak ah asi lo ah UN nih a tawlrel mi biaceih nak ah ni khatkhat ah an bia ceih an si te lai.

Cu an bia ceih tik ah cun 2011 hnu I sualnak an tuah mi vialte kha ttha te in record ah chiah in mawhphurh nak (dan tat nak) pek khawh nak ah evidence (tehte) ah hman an site lai ti khi asi. Battalion commander thonk in a cung lei poh an min kan vun khomh hmasa hna. A hnu ah sualnak a tuah mipoh pumpak pakhat cio min zong kan khawmh khawh chung kan khawmh lai.

Pathian nih a rem a ti ah cun Kawl ralhrang hna nih kan miphun cung ah sual chimpit le mi kello thil an tuah mi vialte record kan tuah mi hna hi chim rel can le an bia ceih can a phan te lai. Tuan ah an bia ceih khawh nak ding tu hi kan zapi fak chinchin in kan ttan cio a hau mi asi.

Leave a Reply