Thantlang ah Meithal Hliampu Khuami Minung 5 Hrawng an Um An Hma A Fakbak

Theihtlei

Thantlang ah Meithal Hliampu Khuami Minung 5 Hrawng an Um Nihin zaanlei Thantlang khuachung kahdohnak ah khuami sawhsawh hliampu minung 5 hrawng an um tiah kan theih. Hliam a pumi hna kan theih tawk ah nu pahnih pa ngakchia pakhat le COVID-19 in a zawmi pa pakhat zong an i tel.

Pa ngakchia hi Sangte tiah mindin in auhmi a si i a hliam a fak pah.Cun a nunnak a liammi kum 10 ngakchia pa Van Bawi Thang i a nu hi a baan ah hliamfak ngai a pu. Nungak pakhat zong meithal kuan thum nih a khen.Hmanthlak Kuan thum nih a khen nain amah tein lam a kal kho. Nunhim in a um. COVID-19 in a zawmi pa an hliamhmi hi a fak pah. Tu zaan muika tiang hrawng ah karlak thlak in meithal kah thawng a thang pah lengmang nain atu ah cun a dai cang tiah Thantlang khuami nih an chim The Chin Journal.

Relchap duh mi hna caah Mithat lai nawng SAC Rallokap nih Thantlang khuachung ah mizapi zawnruahnak a pelte hmanh ngei lo in hriam ngan le kuan tampi in an duhnak poh an kah ruang ah sianginn sang um Pa Van Bawi Thang (kum 10) a nunnak a liam pin ah hliamhma tuar mi minung zeimawzat an um rih.

Thantlang khuapi nih a nunnak a liam mi Van Bawi Thang te chungkhar kan in ngaihchiat pi hna. Kan nau Van Bawi Thang a thisen nih Chin ram damnak chuahter hram seh, tiah thla kan cam.

Thawngdang Nihin kan nunnak ah zeidang zeidang nak in kanmah caah a biapi bikmi cu kanmah hi kan si ko, midang bochan ding an si lo Nihin kan nikhua caan zoh tikah a rang tukmi chan le caan chungah kan um hna. Thil thar pakhat a chuak khuazei in a rat timi kan theih hlan ah a dang pakhat a chuak than.Kum le caan kal a rang chin. Rangtuk in thil an i thleng ve. A caan cun thaizing kong kan ruah hlan ah kan phan manh. Khuaruahnak caan hmanh kan ngei tawn lo.

Vawleicung Boxing, MMA (UFC) Referee simi Tony Week nih a chimmi cu Boxing Ring cungah zeidah a cang kho timi hi nan thei lo, a rangtuk mi puai ah rang te biachahnak tuah ding kan si. A caan cun Khuaruahnak caan hmanh kan ngei tawn lo. Kan rian nganbik cu aa thongmi hna an nun khamh a si e” tiah a chim.A hman tuk. Nihin kan chan zoh tikah Vawlei buainak le thihnak nih kan nun a uk tikah kan pawngkam kan zoh nak ah kan nun nak kong hmanh kan ruat kho ti lo.

Rangtuk in thil a thleng khomi caan par ah kan um. Minute pakhat ah thil aa thleng kho dih. Nihin Vawleipi a hnin dih tu cu Afghanistan ram Taliban ralhrang uknak an lakmi kong a si.America ram World Trade Centre an rak pah thawk in US nih rang taktak in ralhrang hna an centre simi Afghanistan ram ah US ralkap a thlah colh. Ralhrang doh ruah theng a rak si lo. Ralhrang pawl nih US ram harnak an pek than khawh ti lo nak dingah a si.

Kum 20 chung Afghanistan ah US ralkap an um chungah ral voi tampi a tho. Ralhrang tampi an thi. US ralkap tampi an thi ve. Si nain US cozah nih aa tinhmi a tuah khawh dih. Ralhrang phu an hruaitu pawl tampi an thah hna. Cucu US a hlawhtlinnak pakhat a si.Kum 20 chung US nih Afghanistan ram a sersiamnak le bawmhnak ah a ralkap minung tampi an nunnak a liam. Phaisa US Dollar 1.3 Trillions nak tam a hman. Uknak le i hruainak phung zong a serpiak hna. Democray uknak lam ah a hruai hna.

Afghanistan ralkap 300000 leng tha tein cung le tanglei raltuk a chimh hna. NATO pawl nih an hmanmi hriamnam tiang a pek dih hna, an ram ralkap ting 3 leng lahkhah a pek rih.
US nih atu cu nangmah tein dir ve cang. Mah belte ralring tein um law ralhrang pawl khi kham khawh i zuam. Nangmah tein a kal kho ding na si cang caah US ralkap cu thla 8 chung September 2021 hlan ah kan lak dih hna lai tiah a ti.

June thla 2021 ah Joe Biden nih Afghanistan prersident a chimh. July thla ah ralrin a pek than. US ralkap a vun lak taktak ciammam hna cu Afghanistan ralkap 300000 pi nih 60000 hmanh a si lomi Taliban an tih ko hna.An hriamnam an chiah dih ai. An Presidnet le a kuttang bawipawl zong Paskiatan ram le India ram ah an zam dih. Rang tukin Taliban nih chikhat lo teah Afghanistan rampi cu an lak ko. Zanmang hna a lo. Vawlei pi a lau. Ramkhel lei mifim pawl an ar dih.US an mawhchiat, Biden palh ah an chiah. Nain a taktak cun US nih za lak a cawm i a zohkhenh ko. Afghanistan nih an palhmi cu amah te rak kilven ding kha US lawng aa bochan caah fawi zaang tuk in hmual an phonak a si.

Cucaah “nihin kan nunnak ah a biapi bikmi cu zeidang zeidang nak in kanmah hi kanmah caah a biapi bikmi kan si.Kan pumpak ca’h siseh, kan chungkhar ca’h siseh kan ram le kan miphun luatnak le himnak kong ah midang bochan ding an si lo, kanmah ke tein dir i kan nun kan ven a herh bik lio caan a si.Thaizing na nun zei a lawh lai theih a si lo caah tha tein veng.Kan ram kan miphun luatnak dingah cun Kanmah hi biapi bik kan si ko Tluang Ceu Thang.

Leave a Reply