Thantlang Cu Chin Ram Ah Khua Dawh Cem Ah Cang Than Ding Ah Mitthli Ca A Kuat

Theihtlei

Ka nan temhnak le ka nan vahvaihnak ka ruah ah hin An fangkha le hnitkha bantuk an si ko.Cucu run ka hngalhpiak, maw run ka hngalhpiak ko law, run ka hlawm ko sawh. Hi vialte hi ka lung chungah kaa chiah hna i Cucaah ka ngan filfial ko lai Bawipa dawtnak a fekmi cu, a dong hrimhrim lai lo, A zaangfahnak zong a cat lai lo Zing fate in an thar lengmang, Zumhtlak a sinak cu a lianngan hringhran.Ka ngeihmi dihlak cu Bawipa hi a si ko, ka ti Cucaah amah cu lungsau in ka ngan ko lai Bawipa cu a mah aa bochan mi hna vialte cungah a țha.

Cucaah a kan khamhnak ding cu lungsau in kan hngah awk a si.Cu lungsau cu kan no lio i kan hngalh ah a ṭha bik Zeicahtiah Bawipa nih cun a mi hna cu zungzal in a hlaw hna lai lo. ” Fak piin dan a tat hna lai nain A dawtnak a tam rup in an cungah zaangfahnak a ngei țhan lai A minung cu a hrem hna le dan a tat hna hi, A duh taktak ruangah a tuahmi a si lo.(Jeremiah Țahnak Hla 3: 19-33).

Thantlang khua inn a khangtu vialte cungah le a di riamtu hna Vialte cungah Israel YAHWEH Pathian nih mithmaițha pe hna hlah seh An cungah Ni tlang fawn hlah seh! Ruah zong sur hlah seh Hi khuachia rual hi lo dih cang ko hna seh Amen.

Thantlang khua cu Khualianngan ah cang țhan sehlaw a chung i khua a sa mi vialte cungah Vawlei le Van thluachuah phuntling um țhan ko seh. Thantlang Khua Inn kang mi vialte le sungh zatlaknak a tawng mi vialte hna nan cungah Yahweh Elohim nih a dawtnak le a thluachuahnak phuntling cu in pe țhan ko hna seh.A tu i a țap a hraam mi Vialte cu lunglawm mi nan va si dah! Pathian nih an hnemh hna lai (Matt. 5:4).

Pathian nih Thantlangmyo cu kilveng țhan sehlaw thluachuah phuntling pe hram ko seh.Jerusalem a kangh lio le ramkip i a miphun sal i an hruai hna lioah a Țah zun tu cu Profet Jeremiah a rak si bantuk in kei zong kan Khualipi Sui Thantlang a kangh le ka miphun hawi nih ramkip i an vahvaihnak cu ka Țap zun tawn ve e! Ka lung a fak tuk Ka mitthli a luang ve Maw sertu kan Pathian na miphun Laimi hi rak kan philh sawh hlah mu! Kan Khualipi cu kan sersiam piak țhan ko sawh Rak kan bawm ko cang law.Rak kan dirkamh cang ko lawTeinak rak kan pe cang ko law tiin thlaza ka cam. Credit:Rabbi Ephraim Lian Rum

Leave a Reply