Thantlang thawngpang nih lungthin a kekuai tar dih a fak ko

Theihtlei

Thantlang Ah Covid Mizaw 12 Hmuh Nihin July 23 ah Minung 55 check an si i,minung 12 sinin zawtnak hmuh a si,zawtnak hmuhcia mi minung 9 an dam than.Thantlang ah Covid checkmi minung 500 an si i cu chungah minung 121 sinin zawtnak hmuh a si i,minung 4 an nunnak a liam.Zawtnak hmuhmi 121 lakah minung 68 an dam cang ralkap nih le mipi an buai hnaw hna coronavirus nih le mipi a buaitar hna ngeichia taktak asi Pathian sin tu ah thlacam ko hna u sih.

Thawngdang Myanmar COVID-19 Kong ah UN Cawlcangh Hram a Thawk WHO, European Commission le France cozah i bawm in an serchuahmi COVID-19 runvennak sii COVAX hi Myanmar rammi hna ca ah tlamtling in hmuh khawh ding in an i zuam.Khulrang tuk in a karhmi Myanmar ramchung COVID-19 zawtnak dohnak rian ah Myanmar hrambunh UN Country Team pawl cawlcangh hram an thawk cang, tiah July 19 ah thawng an thanh.

July 17 ah Myanmar ramchung ah COVID-19 zawtnak checkmi minung 15,000 dengmang lak ah minung 550 hrawng sin ah COVID-19 zawtnak hmuh a si i, aluancia zarh hnih nakin COVID-19 zawtnak a ngeimi 7% in an karh.
Cu lawng si loin December 2020 ah India ram ah ahmasa bik an rak hmuhmi COVID-19 (Delta Variant) zawtnak phun zong Myanmar ah hmuh a hun si ve.

Myanmar ramchung peng 70 ah Stay at Home tuah a si i, July 17-25 tiang zung khar tiah SAC nih thawng a thanh ve.
UN Country Team nih ahmasa bik ah aa zuammi cu Oxygen tlamtling in hmuh khawh nakding hi a si.
Oxygen tlamtling in hmuh khawh nakding ah UN Country Team nih ramchung le ramleng i zumhtlak Oxygen sehzung pawl pehtlaih aa zuam hna.

WHO, UNICEF le a dangdang bu hna zong nih Myanmar ram ca ah COVID-19 runvennak si hmuh khawh ding in an i zuam cuahmah.Abikin, WHO, European Commission le France cozah i bawm in an serchuahmi COVID-19 runvennak sii COVAX hi Myanmar rammi hna ca ah tlamtling in hmuh khawh ding in an i zuam hna.Tu kum 2021 chung ah Myanmar rammi milu zapi chung in 20% nih COVAX an i chun kho lai, tiah UN nih timhlamhnak a ngei.

Atulio Myanmar ramchung ah COVID-19 testnak hi ni khat ah milu 12,000 in 15,000 karlak tiang lawng tuah khawh a si rih. Cucaah, test center a thar in ser a si nakhnga rian an ttuan cuahmah cang.COVID-19 zawtnak nih Myanmar rammi ngandamnak le sipuazi fak tuk in a chuahchuah lai caah ningcang thar hmang in COVID-19 hi doh a hau, tiah UN Country Team nih an langhter.Myanmar ramchung ngandamnak rianttuantu pawl zalong tein le nunhim tein rian an ttuan khawh nakhnga tawlrelpiak zong an herh,” tiah an langhter chap.

Leave a Reply