Thawngchia taktak:Helicopter bakin doh than’An tim cang hna mindat khuapi cu.

Theihtlei

Zingka tein Mindat ah SAC Ralkap nih Miakpi in an Kah, Helicopter Pahnih in Ralkap an Chap Hna’Nihin zinglei sml. 7:30 hrawng in SAC ralkap nih Mindat khua ah miakpi in an kah i helicopter pahnih zong in ralkap an rak chap hna.

Mindat khuachung i San-min-thiri, Ing-dwin-hmuh sianginn, Na Ta La siang le Semyaung zung (ဆည်မြောင်း) ti bantuk pawl ah hmunhma an khuar hna.Nizaan ah helicopter pahnih in ralkap an rak chiah cang hna i atu zinglei ah helicopter pahnih khat ralkap pawl an rak chiah tthan hna hi a si the chin post.

Thawngdang delchap duh khawh a si a tang lei ah’Dr. Ngun Cung Lian cu MAH sin i aa komh ah khan kan thin a hung, kan khuaruah a har. Asinain NCL nakin khuaruahhar a si deuhmi pakhat a hung chuak than. Amah cu Chin mipi chungin thawngtha chimtu minlang kan ngeihmi pakhat Evan. Tial Lian Thang a si. A thei lomi kan tlawm men lai.

Anih hi mihmai zoh loin dengteo bak in bia a chimmi a si. A thawngtha chim a thei cangmi nih cun an theih ko lai.
Chin Brocasting Network nih an thlahmi video tawite kha a zohmi zong nan tampi cang ko lai. A bianchimmi kha khuaruahhar taktak a si.

“Ralkap hi an sualnak ka hmu lo. Kan cungah zei bantuk thatlonak hmanh an tuah lo. Kan ral zong an si lo. Baibal nih cun na ral va daw hna tiah pei a kań cawnpiak cu…! Kan ram sersiam an duh ve caah a si. Kanmah tu hi kan thatlo tuk cash a si” tiah a chim.

Hitlukin mipi an tuar lio le an thih cuahmah lioah a cunglei bantukin bia a chim khi cu a mak ko.
NCL cu ralkap sinah aa komh i tangka tangka tal an pek, dirhmun sang tal an pek. Evan. TLT nih ralkap thalonak hmuhpiak loin mipi kan thatlo tuk caah a timi cu lohtlau the chin post.

Relchap a duh mi hna caah relchap khawh asi kan rak tial cia cang mi hna’Hakha CDF nih MAH Uico ralkap pawl tam lak te an thah cang hna’Hakha CDF unau hna hi mipi kan thazaang taktak an si Nunnak le thihnak kar ah ral an do. Zantim le ruahsur lak ah misual MAH ralkap pawl an thio hna. An cawlcanghnak ah Pathian nih a hupphenh hna. Atu tiang ah cun CDF kan nau le an him rih caaah Pathian kan thangthat.

Kan inn cia ah mipi a kan sehtu Ram ui tamlak te an thah cang hna. Tianzan ah Cawbuk Gate cawng ralkap pawl an kah hna i misual ralkap 4 an thi. Zahan ah si than kaw Hakhathar lam 6 tonnak i mipi a bawhtu misual ralkap pawl an kah than hna i misual ralkap 4 bak te Hell ah an thlarau an kalter than hna. Hma an batmi hna zong a tampi caah kan ilawm tuk.

Tuzan zei a lawh rih lai. Kan unau CDF nih misual kutput Hriamnam an chuhmi zong tampi a um ve ko. Mah belte a hmanthlak tar awk le mipi sin chim phuan awk tha lomi thil a si. Misual ralkap thahmi ruak zong online tar awk tha lo. Hi ruang ah mipi nih zumh lo in um ding si lo.

Relchap ko thawngdang hi nan rel rilo cun a tu lio a lar ngaimi a si ralkap pawl hnu ah an kiar ngai cang hna Thantlang Peng Lungler le Vawngtu (Vuangtu) SAC ralkap sakhaan um ralkap cu anmah keel an si nain Sopum khua ah umhmun a khuar mi ralkap tu cu an zaamnak a sau cang, tiah kan theih.

“Sopum ah umhmunkhuar mi SAC ralkap hna hi CDF-Hakha nih May 3 zaan Hakhathar an kah hna (SAC ralkap a tlawm bik 4 an thi i 10 leng an i hliam lio) hnu khan Hakha lei ah an zaam dih cang. Khua pawng an um lio ahcun zeipipa buainak an chuahpi lo nain thinphang in kan um peng. CDF-Hakha nih an kah hna khan an tih i si ko lai, an mui kan hmu ti hna lo,” tiah min langhter lo mi pakhat nih The Hakha Times ah a chim.

“Lungler um SAC ralkap tu hi an sakhaan ah Palek he an i fon cang. Palek hi 7 hrawng le ralkap hi 9/10 hrawng an si. Nihin tiang cu zeipipa buainak ngaingai an chuahpi lem lo. Anmah um in an um ko,” tiah min langhter lo mi pakhat nih The Hakha Times ah a chim.

Thantlang Peng thiamthiam in minung pakhat nih, “Vawngtu sakhaan ah hin SAC ralkap 10 hrawng lawng an um. A zat hi adik cun kan thei kho lo. An tam deuh chel, an tlawm deuh chel a si. Nihin tiang cu buainak ngaingai an chuahpi lo. Khuami cheukhat tu hi thinphang in an um i hmun dang ah aa thialkaam mi zong an um,” tiah The Hakha Times ah a chim. CDF-Hakha nih SAC ralkap an hun kah hna hnu i Sopum um ralkap 15 in 20 kar hrawng cu an i thial cang. Surkhua Palek sakhaan zong May 8 lio ah an rak laak/khanghpiak cang hna the hakha times.

Leave a Reply