Trump caah:Teinak lam a fiangtuk mi’USA laipa nih a phuan cang’Thawngpang thabak si.

Theihtlei

Trump ca ah a fiang tukmi teinak lam: Texas pine nih Georgia, Pennsylvania, Michigan le Wisconsin pine pawl tazaa cuai hna

US Supreme Court ah hin fawitebai in phak khawh a si lo. Zaran tazacuainak cu peng biaceihnak zung in pine biaceinak zung, cun pine biaceihnak zung in US Supreme Court ti in a dotdot in kai a herh. Cucaah Trump sihne pawl zong US Supreme Court ah direct in phan khawh colh loin pine biaceih zung ah an hel peng nak a si.

Sihmanhsehlaw US Supreme Court ah direct in phak khawh colh nak lam pakhat a um. Cucu state pakhak khat i a bia ceihpiak a herh tikah a si.

Cucaah Trump nih zokzok in teinak a hmuh colh khawh nakhnga Texas pine nih Georgia, Pennsylvania, Michigan le Wisconsin pine pawl taza a cuai hna.

Cucaah US Supreme Court nih cucu a cohlan colh i Georgia, Pennsylvania, Michigan le Wisconsin pine hna kha i kilvennak ca a tialter hna i an bia cu tu zarh Nilini ah ceih a timh.

Hi Texas pine nih taza a cuainak hna hi theih a fawimite a si ko. Mee deu tbk, mee firmi tbk le mee relnak seh tbk zeihmanh aa tel lo. Sihmanhsehlaw hi taza a cuainak hna hi Democrat pawl nih an leh duh baklomi le an leh khawh bak lomi an si. Cu hna cu zeidah an si kan hun zok tti hna lai. A tangah ka taarmi video clip ah Texas pine Attroney General Ken Paxton nih a chimmi le ca dang cherhchan in hi ca hi ka ttial.

1 Electoral college clause
Article II, section 2 ahcun pine phungsertu hna (state legislatures) lawnglawng nih electoral college hna zulh awk phunglam kha an ser lai,” ti a si. Sihmanhsehlaw Georgia, Pennsylvania, Michigan le Wisconsin ahcun biaceihtu ( judges) hna le bawi pawl tu nih electoral college zulh awk phunglam kha an ser. Hihi anmah nih tuahnak nawl an ngei lo.

Cun cakuat in mee thlak a duhmi nih cun a MINTHUT he sawknak caa ttial hmasa lai. Cuticun cakuat in mee a thlakmi cung ah min a thutmi le sawknak ca ah min a thutmi kha an chek ding a si. Sihmansehlaw hi state pali ah kha bantuk in cakuatnak zung in a rami mee cung i minthut hna kha an chek hna lo. 2016 lio zong ah cakuat in a rami mee 750,000 cu an rak hlawt bal cang tiah ABC news nih a ti. Pennsylvania ah hin 2016 ah siseh, 2018 zongah siseh cakuat in a rami mee tampi an rak hlawnh bal cang.

2 Equal Protection Clause
2000 kum thimnak (Bush v. Gore) lio ah a voi 14nk phunghram an remhmi (14th Amendment) ah “mee kilvennak phunghram aa khatmi hman cio ding” timi a um. Sihmanhsehlaw 2020 thimnak ah cun hi pine pali nih hin hawi dang pine hna he a khat lomi phung an i ser. County pakhat le pakhat zong an phung an i khat lo.

3Remedy in the lawsuit
Texas pine nih cun US Supreme Court kha cu pine pali ah thimmi (electors) pawl kha pine phungsertu (state legislatures) hna tu nih thimter rih ding in ca a ttial. Kum 1892 lio ah McPherson le Blacker cu president tthutnak an rak i cuh. Cu kum ah cun mee aa ningcang lomi a um caah pine pumpi ah mee tam deuh a hmumi (popular votes) kha zoh lo in mee thlaknak peng (electoral district) ah teitu a hmutu kha zoh in teitu cu an rak thim. Cu bantuk in hi tazacuainak zong hi damter ve ding in Texas pine nih Supreme Court ah ca a ttial.

A cungah ka langhtermi thil pathum hi US phunghrampi kal ning taktak cu a si. Cucaah Texas pine nih a chauhpimi hi Supreme Court ah cun teinak hmuh dawh a si ko. Atu ah cun Louisiana pine zong nih Texas leiah ttang in Georgia, Pennsylvania, Michigan le Wisconsin kha taza cuai a timh ve hna.Cucaah Trump nih teinak a hmuh dingmi hi a fiang chin thluahmah ko cang.

Rev. Biak Lian Vel
Thawngpang dang:Tuni ah khan Georgia Rally neihnak ah Melania Trump biachim mi cu uar um kho taktak. A pasal Donald Trump thazaang a pek dan hi uar um tuk hring hran ko. Melania Trump nihcun a pasal Donald Trump thazaang a pek nak cu mah ti hin a langhter, a tawinak in atanglei ah kan van langhter lai.Mah ti hin Melania Trump nihcun a chim”hi ka hmun i kan mah thazaang na kan pek nak caah a rak ra mi vialte nan dih lak cung ah lunglawmhnak tampi ka ngei.

President Trump nih hin nan caah nifaten a fight peng ti kan chimh duh hna. Thil nan theih mi paoh cu chim lo in dai tein um hlah u. Senate i kan seat hi kan kilven hrim hrim a hau. Hi hi American citizen nan sibantuk in nan diknak nan kilven nak caah a biapi bik mi a si. Chuak ulaw Kelly Loeffler le David Perdue caah nan vote rak thlak u.” tiah a chim.Trump le a nupi Melania Trump hi Georgia Senate election caah campaign tuah in a tlawngmi an si. Tling deuh in kan van post than te lai.

Relchap: Kan lainu ah muidawh le awtha ah kan I ngeih mi Esther Dawt Chin Sung nih Christmas ahmuh ning achimmmi cu atha kho tuk. A tawi fiannak in ka vun langh terlai. Christmas timi cu zei tihmanh in ngeihcthiam khawhlo mi misual hna kan caah Jesuh Khrih a rat ni a chuah ni. Misual hn acaah khamh ding in vawlei cung a ttum ni kha Christmas asi tiah aphuan. Esther hi a ngakchiat tein zumtu ha le mifel Sunday school hna kai pengmi te asi tikah zumtu nih kan zulhmi nunphung cu a theih fian dih ti a lang tuk.

Kawlnu hmai akun ruangah mi tampi nih an soisel a sinain a mah nunzia taktak ah cun biak siloin upat nun a rak ngeihtu kha asi ko. A tutan zongah zeitluk in Christmas konglam aa fian ti bia an hal mi ngeih tikah aa fiang taktak zumtu tha a si nak zong a lang tuk fawn. A dang Christmas ah a tonmi thil philhkahwh lo ding le angakchiat lio memory hna zong tampi achim chih. Sinain Christmas a sullam a chimnak te lawng ka rak langhter. Atang vedio ah tling tein Esther a chimnak ngeih khawh a silai.

Leave a Reply