Good News: Covid-19 Vaccine Cu November Thla Thawk In Ram Dang Hna Ca Zongah Hman Awk A Tha Ve Lai

World News

Good News: Covid-19 Vaccine Cu November Thla Thawk In Ram Dang Hna Ca Zongah Hman Awk A Tha Ve Lai

==========================

Russia ram Gamaleya Research nih an serchuahmi Covid-19 Vaccine cu October thla chung ah hin Russia ram mi dihlak caah hman awk a tha lai i, mah khawh cun November ah ram dang hna ca zong ah hman awk atha ve lai tin Russia Phtin cozah nih official tein an thanh.

Gazeta timi Russia News pakhat ah Putin nih tihin a chim “Ka fanu pakhat zong Vaccine as chun ve cang” tiah ati. Mah hi Vaccine cu Sputnik V tiah amin kawh asi. Russia nih an thlahmi (Satellite) min bunh in an sakmi asi. Russia Ministry of Health timi ngandamnak lei vuanci htanah nih Aug 11 ni ah approve an tuah cang. Asinain, US ram i scientist hna le thiamsang hna nih mah hi vaccine an serchuahnak, test an tuahnak le zeitluk in dah a him lai i, thathnemnak a umter khawh lai timi belte cu an lung a hring rih ko.

University College London i geneticist asimi Francois Balloux nih cun tihin a ti ve “This is a reckless and foolish decision. Mass vaccination with an improperly tested vaccine is unethical. Any problem with the Russian vaccination campaign would be disastrous both through its negative effects on health,”  Mah hi hruh le daithlang ngai in biakhiahnak tuahmi asi. Test tha tein tuah lomi vaccine mi tampi caah hman ding cu a ningcang lomi (hrawkhrol) phun asi” tiah ati. (Eqen Callaway, Nature 8/11/2020). Russia nih hin mahhi Vaccine a that le that lo kong ah aza tawk tiang testnak an tuah lo timi hi an ruah bikmi asi.

Asinain, Russia cozah pi nih a dirpi i a thanhmi cu, ram (20) hrawng nih an duh cawlh ve. RDIF timi Russia Direct Investment Fund sin ah mah hi Vaccine 1 billion dose cawk ding in order a um cawlh. Russia nih an ram mipi dihlak pek angamh i vulei theih in a zamh dingmi cu, confidence an ngeih caah asi ve lai. A dik lomi an tuah sual ah cun Puttin cozah mual an pho dingmi asi i, Luhlinh bak in an thanh ngam vemi cu, vaccine tha ah asi te ko hnga lo maw? Ruahchannak tha pakhat cu asi ko tihi mitampi nih khat lei ah an rak hmuh ve. Credit: Salai Biak

Leave a Reply