Trump Nih Iran Kah A Duh Cang hi’Tih a nung chin lamang ko cang.

World News

President Donald Trump nih kan hnu zarh ah khan ruahnakpetu pawl cu a pumh hna le Iran kah ka duh i kah khawhnak a lam um hnga maw tiah a rak hal hna. A bikin Iran Nuclear-sernak hmun lianbik tiah ruahmi hmun kah a timh tiah cu kong a theitu cozah riantlai pakhat nih New York Times a chimh.

Trump ruahnakpetu hna nih cun mah cu ruahnak cu ngol ding in an chimh i a ngan tukmi buainak (conflict) a chuak kho ding a si tiah ruahnak an cheuh.Mah hi Election a sungh hnu in a chimmi a si.

Relchap ko thawngpang dang zong hi:

USA phunghrampi cung bia aa publican Lawmakers (congress chungtel) hlun dirhmun in thimnak kong i Trump a buaining hi cohlan khawh ding a si lo tiah kan ruahning a si,” tiah Republican Lawmaker hlun 31 nih min an thut i Trump cu Joe Biden teinak hi cohlan ding in ca an pek.

The Hill nih a ttialning ah mah 31 hna nih hin Trump i tehte pakhat hmanh langter lo in tazacuainak a tuahmi hi ngol hngap ding in forhfialnak an tuah. Asinain Trump nih cun Tehte (evidence) um lo bak in hi Thimnak ah hrokhrawl aa tel tiah tazacuainak cu a nor cuahmah. [Source Link tang ah um]

“Thimfung hi rel dih (ramtthen cio an ngeihmi phung ning in) hrimhrim ding a si i cu a phichuak cu cohlan ding a si. A ruang cu zapi i zumhnak caah le Demoracy caah a si,” tiah an ttial chih.

An biadonghnak ah “A ralaimi caan chung ah kan i ruahchanmi cu zeibantuk party le chimrelnak zong um ko seh, president ah thimmi Joe Biden nih 2020 thimnak cu a tei ko tiah cohlan piak a si ko lai,” tiah an chimmi NewsWeek nih a ttial.

General Services Administration nih Joe Biden teinak hi an fehter rih lo caah Trump nih thimnak kong i a hmuhning in rianttuan khawh a si rih ko. Amahbelte Tehte um bak lo in sungh duh lo sawh a si ahcun Republican Party caah a ttha lo ngaimi a si, tiah experts nih an tuak.

Minthutu Republican Lawmakers hlun hna cu:

Tom Coleman (Mo.), Susan Molinari (NY), Jim Greenwood (Pa.), Jim Kolbe (Ariz.), Chris Shays (Conn.), Mickey Edwards (Okla.), Dick Zimmer (NJ), Jim Walsh (NY), Ray La Hood (Ill.), Peter Smith (Vt.), Steve Bartlett (Texas), Charlie Dent (Pa. ), Scott Klug (Wis.), John LeBoutillier (NY), Doug Bereuter (Neb.), Deborah Pryce (Ohio), Charles Djou (Hawaii), Bob Inglis (SC), Alan Steelman (Texas), Steve Kuykendall (Calif .), Connie Morella (Md.), Wayne Gilchrest (Md.), Bob Bauman (Md.), Mike Parker (Miss.), Tim Petri (Wis.), Barbara Comstock (Va.), Carlos Curbelo (Fla. ), Jack Quinn (NY) and Jim Leach (Iowa).

Leave a Reply