Tuchun Ka Relmi Chung In Thawngpang Pali (4)

World News

Tuchun ka relmi chung in tlawmpal te kan tial piak hna. Nai hrawng cu ka rian a tam caah news zong ka rel kho tuk lo.
=====================

Space X Rocket Vawlei Ah Kir Cang; Van le vawlei karlak, International Space Station ah May 30 in rocket in khua a tlawngmi, Bob Behnken le Doug Hurley cu dam tein ah August ni 2 ah Atlantic rili cungah an rak ttum cang. California rocket firm SpaceX nih mah Rocket cu an sermi a si. A ngeitu cu US billionaire Elon Musk a si. Space X company cu 2002 ah a rak dirhmi a si. 2005 ah company riantuantu, 160 lawng a si nain 2019 ahcun riantuantu, 7000 an si cang.

Coronavirus Cu Tuluk Ralkap Sermi A Si; Tuluk ram Wuhan Virus kong hlat hleinak a tuah balmi le Hong Kong’s School of Public Health, scientist Dr Li Meng-Yan nih Coronavirus zawtnak hi Tuluk communist ralkap Military Lab in an sercop mi a si tiah a chim. Taiwan news, Lude Press he Live Streaming interview ah a chimmi a si. Tuluk cozah nih Sahring thahnak wet market in zawtnak a chuak an timi cu hlen thawinak caah an chimmi an si a ti. Dr.Li Meng-Yan cu Tuluk communist cozah tlaih lai phan ah US ah a rak zaammi a si.

Beirut Khualip Ah Bom A Puak; Lebanon khualipi Beirut khua tilawng dinhnak pawngah bom a puak tiah Lebanon’s state news agency NNA nih a thanh. Minung 30 renglo an thi I, minung 3000 an I hliam an ti. Bom a puakmi hi ngan dawh a ngai a si. Meng 125 a hlatnak Cyprus tikulh hmanh in an theih khawh ti a si. Lebanon’s PM Hassan Diab umnak in zong a rawk I, a nupi le a fanu zong hliamhma an tuar ti si. Inn lo a rawkmi tangah a thimi le a hliammi tampi an um rih lai tiah an zumh. Terrorist nih an puahmi bom a si lai tiah an zumh.

Second Stimulus Check; US cozah nih a voi 2nak bawmhnak pek an timhmi, Second Stimulus Check pek kong ah White House+ Republican le Democrats pawl lungtinnak taktak tuchun tiangah an ngei kho rih lo. Kap hnih lungtlinnak lam an kawl lio a si. Democrats pawl nih coronavirus he a pehtlai lomi pawl bawmhnak package bill chungah telh chih an duh peng caah atu bantuk in a rauhnak a si. Democrats pawl nih Food stamp hi 15% tiang chap chih an duh.Cun State cozah zong bawmh an duh, Federal cozah nih riangei lomi hna bawmhnak zarh khat $600 chap chihmi kong zongah an lung an I hmu kho rih lo. Tuzarh chung i kap hnih lungltinnak an ngeih khawh lo ahcun Unemployment $600 chap chihmi kha cu tuzarh ahcun claim khawh a si rih lai lo.

Democrats nih U.S. Postal Service zong phaisa chap chih an duh. Asinain President Trump nih US postal service pawl nih cakuat man an kaiter a hau. UPS le FedEx postal service tu nih US postal hmang in an thilri kuatnak service i an hman chinmi hi a dik lo tukmi a si, aman an kaiter ahcun anmah tein a nung kho tuk ding an si tiah a ti ve.

Black Lives Matter Pawl nih Bible le US Flag An Khangh; US Oregan State I Portland khua ah kan hnu zarhpi ni ah khan BLM pawl le democrats a ttanhmi pawl nih an khua chungah lamzawhnak an tuah than i, Bible cauk le American flag an khangh caah palek pawl he faak ngai in an I phomh. Palek pawl nih teargas in an kah hna. BLM pawl nih tlakrawh, batteries le hmaihuhnak in an cheh ve hna. Left-wing timi democrats ttanhtu pawl nih Bible an rak I ken I federal courthouse hmai ah mei in an khangh hna. Bible an khangh lio cu social media ah an taar I minung 1.8 million nih an zoh ti a si. Tutan lamzawhnak ah hin BLM, Democrats Left-wing pawl le ANTIFA pawl an I tel tiah an chim. Credit: Salai Lairamthang

Leave a Reply