Tuluk Ram Chungah Covid-19 Zawtnak Thar An Hmuh Chap Caah Chin Mipi Zong Kan Iralrin Ngaingai A Herh Tuk

World News

Tuluk Ram Chungah Covid-19 Zawtnak Thar An Hmuh Chap Caah Chin Mipi Zong Kan Iralrin Ngaingai A Herh Tuk
=====================

Tuluk ramchung ah Covid-19 zawtnak cu a thar in a karh than cang, tiah thawngpang theih a si. August 1, 2020 ni tiang ah Tuluk ram chungah Coronavirus a thar in zawtnak a ngeimi pawl minung 49 tiang an phan than cang, tiah theih a si. Tuni tein zawtnak a karh chinchin ahcun tihnung dirhmun a sinak kong cu ngamdamnak lei nih Sunday ni ah an chim. Atu zawtnak thar an hmuhmi hna hi nitlak lei ah a ummi shannghai ramkulh chungah hin minung 30, nichuah lei ah a ummi ramkulh pakhat ah minung 3 le a dang minung 16 hi ramleng lei in a rak tlunmi pawl an si tiah National Health Commission pawl nih an chimhnak thawngin thawng theih a si.

Zawtnak hmuh khawh lomi a lang lomi minung 20 an si i, ahmasa ahcun minung 23 an si, a tum deuh cang, tiin theih a si. Saturday ni tiang ah Tuluk ram pumpi chung Coronavirus in a zawtmi minung 84385 an si tiah ngandamnak lei zung nih thawngthanhnak an tuahning in kan theih. Cun, Tuluk ram pumpi chung coronavirus in a thimi minung hi 4634 an phan cang, tiah theih a si. Ref: Mizzima

Note: Kawlram le Tuluk cu ramri a tlaimi kan si caah Kawlram a ummi kan laimi zong nih biatak tein kan runven le kan i ralrin ngaingai a herh rih tinak a si. Chinmi cheukhat zong thil lak duh ruangah Tuluk ramchung luh rih lo le Mandalay hrawngah lak chung dingah mipi kan himnak le kan miphun dawtnak he kan cawlcangh a herh ngaingai te lai.

Leave a Reply