USA laimi:Biden hi rak vote ko uh law’Rak tanh ko uh USA ah nuam tein um nan duh ah cun.

World News

Fimthiamnak le cawnnak long nih miphun cu a tunmer taktak khawh. US ah ka lungrethei bik mi cu a harsa rihmi miphun vialte le a hleiin kan miphun thanchonak ding caah EDUCATION kong hi asi. Kan i ruahchannak ngan bik (HOPE) cu kan fale an si.

Kan fale hna hi schorlarship dah an ngah ti lo ahcun colleges, university a peh kho an tlawm te lai. Hringtu Pa dirhmun in hi kong ka ruahah ka lungre thei bik tawn. Fa ngei cia in US a pha mi patung, nutung hna kan caahcun zei tiawk a tha ti lo. Kan fale ca tal ah thukpi in kan ruahpiak hna a herh.

Education tha tein a ruat lomi le ai sehchih lo mi nihcun teimaknak lungthin an ngei kho lai lo atu lio US education system cun lung awtawm in hnukir than lengmang a fawi. Laimi cu fale thazaang pek le vision hmuhsak zong kan thiam chinchap bei lo tikah an lungthawnnak ding a lam a tlawmtuk rih.

Cikhat ca i inntha le motor tha cawk kha an i thim deuh lai i warehouse ah an kir dih lai. Education ah fimnak le cawnnak sang an ngah lo cangcun lamkam ah tamtuk kan ril te lai. Kan milu zatin kan thangcho kho lai lo. Gangs- star zong tampi a hrin chinchin lai. US ramtha kan ti ko nain Education ah thiamsangnak kan cawn khawh lo poh ahcun kan innchungkhar caah hell ram chuahnak lam ai neih biknak hmun asi.

Fimnak longnih miphun a tunmer. Biden a tlin i Education system hi a chim bang incomes $, 125000.00 tangnih free tuitions in a tuah khawh ko ahcun kan miphun cu an kan huap dih lai caah minung ah kan i chuah kho dih ngawt lai. A harsa rih mi US minung le miphundang zong a million in a tunmer hna lai.Cubantuk investment le strategy tha mi nih US ram lila a thanchoter chin than lai.

US um kan miphun ca thanchonak long siloin kanram zong hihnu hmailei ah an fimthiamnak in a let in an kan sersiampiak khawh lai. Phundangcun hlawhtlinnak phunhnih double blessing in Education system hmanh ah kan co lai. Mah miphun caah a tha bik mi le ai pehtlai bik mi te tanpi hi logic ah a dik bik ko rua. Hi a education system hrim hi ka duh bak. Tlinghram ko seh tihi ka saduhthah asi. Caṭialtu: Al Bik Lian Zathang

Leave a Reply